Celë hi la hna majemine kuca e nöjei hmakanyi hnene la lue trefën. Öni nyidro: “Tru la madrin me ithuecatr hnei nyio hna kapa qa ngöne la itre hna melën hnene la itre trejin! Kola amamane hnene la itre hna melëne cili ka hape, ijije hi tro sa mele nyipici ngacama traqa ju hë la itre jol.” Casi hi la mekuna i nyidro memine la ketre trejin föe. Öni angeic: “Ka akeukawanyi ni la itre hna melën hnene la itre trejin. Ka hetre aliene la mele i angatr. Celë hi ka xatua ni troa catre cainöj, me hiane hnyawan la itre neköng matre tro fe nyudren a hane huliwa drai ka pexej koi Iehova.”

Tro la itre hna melën hnene la itre trejin a xatua së troa catre huliwa koi Iehova, me lepetrij la itre aja së ka ngazo, me elëhune la itre jol cememine la madrin. Tro sa öhn ekaa la itre hna melën?

• Tro epuni a öhne la itre tane mekun ngöne “Biographies de Témoins de Jéhovah” ngöne jw.org maine JW Library®.

• Thele jë la “Biographies de Témoins de Jéhovah” ngöne BIBLIOTHÈQUE EN LIGNE Watchtower maine ngöne Watchtower Library.