ITA NE THUP—NYINE ININ Juun 2020
Hetrenyi e hnine la Ita Ne Thup la itre tane mekun göi 3-30 Ogas 2020.
“Epi Hmitrötr La Ëje i Nyipë”
Tane mekun 23: 3-9 Ogas 2020. Nemene la hnying ka ketr la nöjei atr me nöjei angela asë? Pine nemene matre ka sisitria catr la ewekë cili, nge nemene la nyine tro sa kuca? Nyipiewekë troa sa la lue hnyinge celë matre acatrene la aqane imelekeu së me Iehova.
“Apexejene Ju La Hning Matre Tro Ni a Xouene La Ëje i Nyipë”
Tane mekun 24: 10-16 Ogas 2020. Ame ngöne la tane mekun celë, tro sa ce wang la ketre götrane la thithi Dravita joxu ngöne Salamo 86:11, 12. Kola hapeu la troa xouene la ëje i Akötresie? Pine nemene matre loi e tro sa metrötrëne la ëje cili? Nge tro lai a xatua së tune kaa troa xomihnine la itupath?
Itre Hnyinge Ne La Itre Ka e
Hapeu la “wene ne la ua,” kolo hi a qaja la itre thiina ka mama ngöne Galatia 5:22, 23?
“Qange Kö Troa Thele La Hnënge Mamoeng”
Tane mekun 25: 17-23 Ogas 2020. Pine nemene matre itre xan a trotrije la ekalesia ngacama nyimu macatre ne nyihlue i Iehova angatr? Tune kaa la aqane goeë angatr hnei Iehova? Troa sa la lue hnying celë ngöne la tane mekun. Tro fe sa xomi ini qa ngöne la aqane xatuane Iehova la itre hlue i Nyidrëti ekö ka iananyi me Nyidrë.
“Bëeke Jë Nyipunieti Koi Ni”
Tane Mekun 26: 24-30 Ogas 2020. Aja i Iehova tro la itre ka nanazij a bëeke hmaca koi Nyidrë. Nyidrëti a hë angatr me hape: ‘Bëeke hmaca jë nyipunieti koi ni.’ Nyipiewekë tro sa ithuecatre kowe la itre ka kapa la ihë celë. Ame ngöne la tane mekun celë, tro sa ce wang la aqane tro sa xatua angatr.
