ITA NE THUP—NYINE ININ Nofeba 2017
Hetrenyi e hnine la Ita Ne Thup la itre tane mekun göi 25 Diseba 2017 koi 28 Januare 2018.
Nyima Madrine Jë!
Maine epuni a hmahma troa ce nyima memine la ekalesia, nemene la aqane tro epuni a elë hune la mekune cili, me nyima catr troa atrunyi Iehova?
Eö Kö a Thel Troa Zae Thei Iehova?
Jëne la itre hlapa hnë kötre zae, kola mama la aqane nue Akötresie la ngazo.
Xötrethenge Jë La Thiina Ka Meköt Memine La Utipine i Iehova
Nemene la aqane mama la utipine i Iehova qa ngöne la itre hlapa hnë kötre zae? Nemene la hna ini së göne la aqane goeëne Iehova la mel? Kola mama tune kaa la meköti Iehova?
Thipetrije Pi La Itre Aqane Mekune i Fen
Loi e tro sa hmekëne wanga ajojezi së jë hnene la itre xa aqane mekune i fen. Hanawang la faif lao aqane mekune cili.
Isine Jë Troa Kapa La Thupen
Thupene la hnei Paulo hna amekunëne kowe la itre keresiano la edrö i angatr, hnei Paulo hna hmekë angatr.
