Qëmekene troa ini Tusi cas, isa hnyinge jë ka hape, ‘Nemene jë la hnenge hna troa inin enehila?’ The nue kö la itre aja i epun troa sewe epun troa trotrohnine la hnei Iehova hna pi ini epun. Tune kaa la aqane tro epuni a drenge la hnei Iehova hna ini epun?

Sipo inamacane jë thei Iehova. Sipo Nyidrëti jë troa amamai epun la hnei Nyidrëti hna ajane tro epuni a atre, la epuni a ini Tusi cas. (Iako. 1:5) Thele jë troa atre la itre xaa ini.​—It. Ed. 3:​5, 6.

Nue pi la Tusi Hmitrötr troa eatrongë epun. “Ka mele la trengewekë i Akötresie.” (Heb. 4:​12) Ame la epuni a e Tusi Hmitrötr, tro eje lai a huliwa thei epun. Ngo loi e tro epuni a kapa hnyawa la hna ini epun hnene la Tusi Hmitrötr.

Tupath asë jë la itre xen ka lapa ngöne la laulau i Iehova. Ceitune hi la xen qaathei Iehova memine la “itre nyipi xen ka lolo.” (Isa. 25:6) Maine tha pi xene kö epun la ketre “xen” ka lapa ngöne la laulau i Nyidrë, ke tupathe jë kö. Tro kö epuni a kepe thangane qa ngön, ke ame la hnei Iehova hna hamën, ka thue madrine koi së!