“Goeëne Ju La Itre Iatr!”

Aija qaja epuni ka hape, thatraqai epuni maine thatraqai ketre pena la epuni a fe la ketre izonale hna hnyipi kapa ka tune la? Ame la itre iatr me itre ifoto ka mingöiming, tre hna kuca hnyawan, ke ka hetre aliene itre ej. Itre jia ne huliwa nyine hamë ini matre tro sa atreine waimekun, me matre troa ketr la hni së. Ixatua catre la easa hnëkëne me qeje mekune ngöne la kola ce inine la Ita Ne Thup.

Hane hi la ketre ceitun, mekune jë la kepine matre iëne jë la pane iatr hna amë ngöne la itre tane mekune nyine inin. Nemene la hna amamane hnene ej? Nemene la aqane ce tro ne lai iatr memine la itane mekun, maine pena lai xötre ka nyitrepene la ini? Wange ju la hnënge iatr, nge thele jë la aqane ce trongene itre ej memine la tane mekune hna ithanatan, memine fe la pengöne itre eje ngöne la mele së.

Tro la atre xomiujine la Ini Ita ne Thup a nue la itre trejine troa isa qeje mekune qa ngöne la itre iatr, nge matre tro angatre a qaja la itre ini nyine troa xome qa ngön, maine pena la aqane ketri angatre hnene itre ej. Ame itre xa iatr, hna hamë ithuemacanyi nyine troa amamane la mekune ka casi qa ngöne la iatr memine lai paragaraf. Ame itre xan, tro la atre xomiujine la ini a wange ka hape, paragarafe ka ue la nyine troa ithanatane la iatr. Hane hi lai ixatua hna kapa hnene la itre trejine asë matre tro angatre a trotrohnine hnyawa la itre ini qa hnine Wesi Ula i Akötresie.

Celë hi matre qaja jë hi hnene la ketre trejine ka hape, “Ase jë hi ni e la ketre hna cinyihane ka lolo, nge nyixane hmaca jë kö hnene la itre iatr matre kösë ketre ewekë hna thaipine hnyawan.”

[Iatr ne la götran 32]

[Iatr ne la götran 32]

[Iatr ne la götran 32]