Ka Hnyipi Traqa Ngöne La Lapa Ne Xomi Meköt

Hna ithuemacanyi lo drai hnacian (drai menu) ne 5 Semitrepa 2012, ngöne la Bethela ne Etazini me Canada ka hape ca ka nyixane hmaca la Lapa Ne Xomi Meköt Ne La Itretre Anyipici Iehova. Qaane lo drai 1 Semitrepa 2012, kola xejë la huliwa e cili hnei Mark Sanderson.

Hna hetru Sanderson e San Diego, Californie, Etazini, hnene la keme me thine i angeic lue keresiano nge hna bapataiso angeic lo drai 9 Febuare 1975. Hnei angeic hna nyiqaane pionie e Saskatchewan, Canada, lo drai 1 Semitrepa 1983. Ame lo Diseba 1990, angeic a fenesi qa ngöne la hnaasevenene kalas ne la Ini Thatraqane La Itre Trejine Trahmanyi Ka Pë Föen e Etazini. Hna upi Sanderson troa pionie hut ngöne la ketre hnapet ne Newfoundland, Canada, lo Eiperem 1991. Thupene la hnei angeic hna inyihnai troa thupëne la sirkoskripsio, hë angeice jë hi troa nyixane la lapa ne la itre trejin ngöne la Bethela Ne Canada lo Febuare 1997. Ame lo Nofeba 2000, upi angeice jë hi kowe la bethela ne Etazini troa huliwa ngöne lo Biero Ne Hamë Ithuemacanyi Göi Pital, nge thupene lai ngöne la Biero Thatraqane La Huliwa Ne Cainöj.

Ame lo Semitrepa 2008, hnei Mark Sanderson hna hane sine la Ini Thatraqane La itre Atrene La Kometr Ne La Hnalapa Ne Thewe Huliwa, nge thupene lai hna acili angeice matre ketre atrene la Kometr Ne La Hnalapa Ne Thewe Huliwa e Philippines. Ame lo Semitrepa 2010, hna hë angeice hmaca a tro Etazini, matre ketre atre ixatua ngöne Kometr Thatraqane La Huliwa Ne Cainöj Ne La Lapa Ne Xomi Meköt.

[Iatr ne la götran 26]

[Hna eköhagen götran 26]

Itre Atrene Ne La Lapa Ne Xomi Meköt Enehila

Xötre hutrön, mi koi maca: D. H. Splane, A. Morris III, D. M. Sanderson, G. W. Jackson, M. S. Lett. Xötre qëmeken, mi koi maca: S. F. Herd, G. Lösch, G. H. Pierce. Itre Keresiano hna iëne asë hi la itre atrene la Lapa Ne Xomi Meköt.

[Iatr]