Ixatua La Lue Mekune E Kola Ifeketh
Ixatua La Lue Mekune e Kola Ifeketh
Ame koi epuni ke, Iesu hi la Atre Ini ka sisitria ne la fene hnengödrai? Maine ase fe hë epuni tupathe troa nyitipune la aqane hamë ini nyidrë, tune la troa hnyinge me kuci ceitun. Öhne fe kö epuni laka, hnei nyidrë hna majemine xome la itre mekune ka ifekethe göi troa hamë ini?
Nyimutre la itre atr ka xome la itre mekune ka ifekethe ngöne la angatre a ithanata. Hnei epuni jë fe hi hna hane kuca tun, ngo tha mekune kö epun; hanawange la ketre aqane ithanata, hna ka hape, “Öni angatr, ka hmedre hnyawa ha la wene sinöe, ngo ka hatre catre pala kö.” Maine pena, “Angeice hi ekö la ketre nekönatre jajinyi ka meije catr, ngo amë hë enehila iahlë menu hë.”
Ame ngöne la itre ceitune celë, epuni a pane amamane la ketre mekun, nge thupene lai epuni a qaja la ketre mekune ka ifekethe hnene la hna xome la itre hnaewekë ka tune la hna hape ngo, ngo ame pe, hune la, ame ngöne la ketre götran. Maine pena, epuni a xome la mekune ka ifekethe göi troa acatrene hnyawa la mekun. Ame la epuni a ithanata tune lai, tha tro kö a jole kowe la itre atr troa trotrohnine la mekuna i epun.
Maine tha majemine kö ngöne la itre xa qene hlapa troa xome la itre mekune ka ifekethe ngöne la angatre a ithanata, ngo loi e tro sa atre laka nyipi ewekë la aqane ithanata cili. Pine nemen? Pine laka, tru hnei aqane ithanata ka tune hnine la Wesi Ula i Akötresie. Hnei Iesu pala hi hna xome la itre mekune ka ifekethe ngöne la nyidrëti a ithanata. Tro sa pane ce wange itre ej: “Nge tha jinathe la lamepa troa amë fene la kumete ; ngo loi e koho hune la tan.” “Tha traqa kö ni troa apaten [la wathebo], ngo troa aeaten.” “Ase hë nyipunieti denge lo hna qaja, ka hape, The tro kö eö a kuci ngazo ; ngo ini pe a qaja koi nyipunie, ame la ate goeëne la fö’ i ket’ ate me meciu nyido . . . ” “Hna qaja, ka hape, ‘Alameke thupene alamek ; nge nyö thupene nyö’ ; ngo ini pe a qaja koi nyipunie, ka hape, The të kö la ngazo ; nge ame la ate xe la trasite maca i ’ö, ujënejë fe la kete götrane.”—Mat. 5:15, 17, 27, 28, 38, 39.
Hetrenyi la itre xa mekune ka ifekethe hnine la itre xa tusi ne la Tusi Hmitrötr. Tro itre eje lai a xatua epuni troa trotrohnine hnyawa la ketre mekun, maine tro pena a nyi hatrene la aqane troa trongëne hnyawa la ketre mekun. Maine keme epun maine thine pena, mekune hnyawa ju la trenge ithanata ka ifekethe celë: “Nyipunie ite kem, te, the aciane kö kowe la ite nekö i nyipunie la iwesitë ; ngo loi pe hia angate jë ngöne la ini me ihaji ne la Joxu.” (Efe. 6:4) Maine ju tro hi Paulo a cinyihane ka hape, tro la keme (maine thin) a hiane la nekönatre jëne la ihaji qaathei Akötresie, nge ka loi hi lai nge ka nyipici. Ngo ame pe, tro kö lai a trotrohnine hnyawa jëne la mekune ka ifeketh hna hape, “the aciane kö kowe la ite nekö i nyipunie la iwesitë ; ngo loi pe hia angate jë ngöne la ini me ihaji ne la Joxu.”
Ame hë e thupene ngöne la mekene tusi celë, hnei Paulo hna cinyihane ka hape: “Tha eëshë kö a ikuië me ate, ngo . . . me ite u ka ngazo ngöne la ite hnë e hnengödrai.” (Efe. 6:12) Eje hi laka, tro la mekune ka ifekethe celë a xatua epuni troa trotrohnine ka hape, tha fene isi kö la isi epun. Tha kolo kö a icilekeu me itre atr, ngo kola cile kowe la itre u ka ngazo.
KEPE ELOINE JË LA ITRE MEKUNE KA IFEKETH
Ame ngöne pala hi la tusi celë, tusi Efeso, tro epuni a öhne ngöne la itre xa mekene tus la aqane huliwane Paulo la itre mekune ka ifeketh. Ame la easa mekune itre ej, tre kolo lai a xatua së isa ala cas troa trotrohnine la mekuna i Paulo, me amamai së hnyawa la nyine tro sa kuca.
Tro epuni lai a madrine e goeëne jë epuni la itabolo hna kuca nyine amamane la itre xa mekune ka ifekethe ngöne la tusi Efeso mekene 4 me 5. E ca mekune ka ifekethe hne së hna e, isa wange jë la pengöne la sipu mele së. Isa hnyinge jë me hape: ‘Nemene la pengö i eni me aqane ujënge ngöne la götrane cili? Tune kaa la aqane goeë së hnei itre xan, angatr a goeë së ngöne nemene götranene la lue mekune ka ifeketh?’ Maine epuni a öhne ka hape, ame ngöne lai mekune ka ifeketh, tre hetre götrane nyine tro epuni a huliwan, thele jë troa trongën. Ixatua ka tru la kola ifeketh la lue mekun.
Maine pena, xome jë la itabolo matre nyine thatraqane la hmi ne la hnepe lapa. Ame la nyine pane kuca, tre tro la itre atrene la hnepe lapa a e asë la itre mekune ka ifeketh. Thupene lai, troa e hnene la ketre la pane mekune ka ifeketh, matre ijije tro la itre xa atrene la hnepe lapa a wangatrehmekune la hnaithanata ka tru ngöne la hnaaluene mekun. Celë hi ka troa aijijëne la hnepe lapa troa pi ithanatane la aqane troa trongëne hnyawa la mekune ka mama ngöne la hnaaluene mekun. Eje hi, ame la troa ce wange la itre mekune ka ifekethe ka tune la, tre tro lai a xatuane la itre ka co me itre ka tru tro pala hi a hetrenyi la thiina ne Keresiano ngöne la hnepe lapa me ngöne la itre xa götrane ju kö.
Epuni pala hi a öhne catrëne la enyipiewekë la itre mekune ka ifeketh, nge epuni fe a maca troa wangatrehmekune itre eje e hnine la Tusi Hmitrötr, nge tro fe epuni a öhne la enyipiewekëne itre eje ngöne la hnei epuni hna cainöje trootro. Tro jë epuni a qaja kowe la atr hnei epuni hna cainöje kow ka hape: “Nyimu atr ka qaja ka hape, hetrenyi thene la nöjei atr asë la u ka tha meci kö, ngo ame pe goeëne ju e celë la hna qaja hnene la Wesi Ula i Akötresie.” Maine pena, ame ngöne la kola ini Tusi Hmitrötre kowe la ketre atr, hnyingëne jë ka hape: “Tru hnei atr ngöne la nöje celë ka mekune ka hape, ame Akötresie me Iesu, tre casi hi nyidro, ngo ame pe, nemene la hna qaja hnei Tusi Hmitrötr? Nge nemene fe la mekuna i epun?”
Eje hi laka, tru hnei mekune ka ifekethe hna amamane koi së hnene la Tusi Hmitrötr, ka troa xatua së tro pala hi a tro ngöne la itre jë i Akötresie. Nge tro fe sa huliwane la itre mekune ka ifekethe troa xatuane la itre atr troa atre la nyipici qa hnine la Tusi Hmitrötr.
[Iatr ne la götran 3]
[Iatr ne la götran 4, 5]
Itre Mekune Ka Ifeketh Ngöne Efeso Mekene 4 Me 5
Tupathe jë troa xome la itre xötre celë ngöne la ijine nyipunie a hmi ne la hnepe lapa!
“Tha ite . . . hna iufekeune me xom’ [agöne] . . . hnene la nyinyithina ne la nöjei ate, me iaö, lo nyine ithue hnine troa amenun.”—4:14.
“Ngo loi pe shë troa thina ka nyipici, ngöne la ihnim, mate trujë koi anganyidë ngöne la nöjei ewekë asë, ene lo hen, ae Keriso.”—4:15.
“[Hna] ajidine la mekune [la Itre nöj], . . . ke xeti hë la ite hni angat.”—4:18, 19.
“Ngo tha hnei nyipunie hna ini thei Keriso troa tune lai, maine hnei nyipunie hna dei nyidë, me hna inine thei nyidë.”—4:20, 21.
“Ame la ate kë’ nö, the ënö hmaca kö.”—4:28.
“Ngo loi pe tro angeic’ a huliwa, kola kuca hnei lue ime la ewekë ka loi.”—4:28.
“The xulu kö qa ngöne la ite ukeineqe i nyipunie la tenge ka sis.”—4:29.
“Ngo loi pe la tenge ka loi, la nyine troa eamon.”—4:29.
“Ngo ame la kuci ngazo, me ite thina ka sisi asë, me meciun, te the qaja hmaca thei nyipunie.”—5:3.
“Loi pe la ole.”—5:4.
“Ite ka jidi nyipunie ekö.”—5:8.
“Ngo enehila lai hë thei Joxu.”—5:8.
“The hane kö sine la nöjei huliwa ne jidi ka pë wen.”—5:11.
“Ngo loi pe troa shawa.”—5:11.
“Wange hnyawa kö la aqane tronge i nyipunie, the tune kö la ite hmo.”—5:15.
“Ngo tune ju la ite ka inamacan, kola anyipi ewekëne la nöjei ijin.”—5:15, 16.
“Qa ngöne lai the wangadrapa kö nyipunie.”—5:17.
“Ngo trotrohnineju la aja i Joxu.”—5:17.
“The hmo kö nyipunie hnei waina, ate acianyi ngazo.”—5:18.
“Ngo loi e troa atiqanyi nyipunie hnene la Ua.”—5:18.
“Mate tro nyidëti [Keriso] a xome koi nyidëti kö la ekalesia ka lolo, ka pë ethan, me tha finyewa, me kete ewekë ka tun.”—5:27.
“Ngo tro ej’ a hmitöte me pë engazon.”—5:27.
“Pa pala kö ate xelene la ngönetei angeice kö.”—5:29.
“Ngo hna ithu ane me thupën’ ej, kete tui Keriso kowe la ekalesia.”—5:29.
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr]
[Iatr ne la götran 6]
Mekune hi epuni lo hnaaluene mekune ka ifeketh?
