Öni Davita joxu i angetre Isaraela ekö, e sili nyimane la Atre Xupi nyidrë ka hape: “Akötesingöti fe, madine ni troa kuca la aja i cilie, nge e kuhu hninge la wathebo i cilie.” (Sal. 40:8) Traqa ju hë koi Davita la nöjei pengöne jol me hace ngöne la mele i angeic, ngo hetre madrine i angeice pala hi troa kuca la aja i Akötresie. Tha Davita casi kö la ka öhnyi madrine qa ngöne la hna nyihluene la nyipi Akötresie.

Öni Paulo göi Keriso, thenge lo ithanata ka mama ngöne Salamo 40:8, ka hape: “E traqa nyidëti e celë fen, öni nyidëti, ka hape, ‘Tha ajane kö cilieti la huje hna humuthe memine la huj, ngo hnei cilieti hna hnëkëne la ngönetei thatraqai ni ; nge tha madine kö cilieti la ite huje hna deuthe memine la ite huje pine la ngazo. Ame hnenge hna qaja, ka hape, Akötesieti fe, xajawatineju, ini a tro troa kuca la aja i cilie (ase hë cinyihanyi ni ngöne la tusi hna ewath).’ ”—Heb. 10:5-7.

Ame lo Iesu e celë fen, madrine nyidrëti troa goeëne la nöjei ewekë hna xup, me ce memine la itre sinee i nyidrë, me ce xeni memine la itre atr. (Mat. 6:26-29; Ioane 2:1, 2; 12:1, 2) Ngo ame kö la ewekë ka tru koi nyidrë, nge ka thue madrine koi nyidrë, tre ene la troa kuca la aja ne la Tretretro i nyidrë. Öni Iesu: “Ange la tro ni a kuca la ajane la ate upi ni, me umuthe la huliwa i nyidë.” (Ioane 4:34; 6:38) Hnene la itretre drei Iesu hna inine thei nyidrë, Maseta i angatr, la qaane la nyipi madrin. Tru la madrine me aja i angatr la angatr a catre tro fë la maca ne la Baselaia kowe la itre atr.—Luka 10:1, 8, 9, 17.

Öni Iesu e upe la itretre drei nyidrë: “Trojë nyipunie a inine la nöjei nöj’ asëjëihë, me bapataiso angate kowe la atesiwa i Tetetro, me Hupuna, me Uati Hmitöt ; ini angate jë troa trongëne la nöjei ewekë asëjëihë lo hnenge hna ahnithe koi nyipunie ; nge hana wang ini a ce me nyipunie ngöne la nöjei drai asëjëihë uti hë la pune la fene hnengödrai.” (Mat. 28:19, 20) Kola upi së hnene la hna amekötine celë, troa cainöje kowe la itre atr ngöne la nöjei götrane asë, me bëeke troa wange hmaca la itre atr ka pi porotrikëne la Tusi Hmitrötr, me ini Tusi fe hë me angatr. Celë hi huliwa lai ka hamëne la madrine ka tru koi së.

 Lolo ju hë, maine ngazo pena la aqane kapa hnei itre atr la maca hne së hna tro fë, ngo tro la aqane waiewekë së a xatua së troa öhnyi madrine qa ngöne la hna cainöje trootro. Pine nemene matre easë pala hi a catre tro fë la maca ka loi, ngacama tha kepe së hnyawa kö hnene la itre atr? Pine laka, atrehmekune hnyawa hi së laka, ame la troa cainöjëne la Baselaia, memine la troa inine la itre atr, tre celë hi hatrene la ihnimi së koi Akötresie, me kowe la itre atr ka lapa ezi së. Atre hi së laka, emele së, me angatre mina fe, la huliwa ne cainöj. (Ezek. 3:17-21; 1 Tim. 4:16) Hane hi cahu itre xa ewekë ka xatuane la itre trejine me easë troa catr cainöj, maine troa hetre aja hmaca troa cainöje ngöne la itre götrane gaa jol.

Maine tro sa hnyinge hnyawa kowe la itre atr, tre ma tro hë lai a hetre thangan. Ame ngöne la ketre drai, hnei Amalia hna öhne la ketre trahmanyi e e zonal e koilo ngöne la ketre park. Angeic a easenyi nyidrëti jë, me hnyinge ka hape, lolo kö la itre nuvel? Ame la kola sa hnei nyidrëti ka hape, pëkö, öni Amalia jë hi: “Nga hane pe hi la maca ka lolo ka qaja la Baselaia i Akötresie.” Ene pe canga pi atre ju hi nyidrë, me kapa ha troa hane ini Tusi Hmitrötr. Ame ju fe kö ngöne la ijine cili, tre köni atr jë kö hnei Amalia hna nyiqaane ini Tusi memin e cili ngöne park.

Ame pena Janice, tre ka majemine angeic traqa fë zonal ngöne la hna huliwa. Ame ju hi la angeic a öhne laka, hna ketr hë la ketre sine huliwa i angeic ka thup hnene la ketre mekun, memine fe kö la ketre sine huliwa i angeic, öni Janice jë hi, tro pë hë angeic a traqa fë lapaane koi nyidroti la itre zonale hna hnyipi kapa. Aqane kuca pala hi angeice lai kowe la ketre sine huliwa i angeic, ka madrine troa e la Ita Ne Thup me Réveillez-vous!, ke nyimu mekune hna ithanatane hnine lai lue zonal. Ame hë e thupen, ke kolo fe hë a hane sipo zonale thei angeic, hnene la ketre sine huliwa i angeic. Öni Janice: “Manathithi la qaathei Iehova!” Ame enehila, 15 hë lao atr hnei angeice hna tro fë zonale kow ngöne la hna huliwa.

Önine la ketre atre thup ka iwai trootro ka hape, ame la easa cainöje trootro ngöne la itre hnalapa, tha tro kö sa nyipun ka hape, qanyi së hmaca pë hë e ketre drai. Ma ka loi tro pe sa qaja ka hape: “Eni hi a pi amamane koi epun la aqane ini Tusi eahuni me itre atr,” maine pena, “Eue la drai me hawa ka loi koi epun tro ni a bëeke hmaca, matre troa sisedrëne la porotrike i nyiso?” Ame hë la thangan, tre 44 lao atr hna nyiqaane ini Tusi memin hnene la itre trejine ne la ekalesia, ngöne hi lai wiike ne nyidrëti a traqa troa wai angatr.

Maine tro sa canga bëeke hmaca troa wange la ketre atr thupene la hna xötrei iöhnyi me angeic, tro kö së lai a öhne la thangan. Nemene la kepin? Pine laka, aqane tro hi së lai a amamane ka hape, pi tro sa xatuane la itre atr ka hetre nyipi aja troa trotrohnine la Tusi Hmitrötr. Ame la kola hnyingëne kowe la ketre föe ngöne la ketre ijin, la kepine matre hnei eahlo hna kapa troa hane ini Tusi memine la Itretre Anyipici Iehova, öni eahlo jë hi e sa ka hape: “Hnenge hna nyiqaane ini Tusi me angatr, ke eni a öhne laka, angatr a hnimi ni, me hnehengazo ni.”

 Ame Madaí, tre hnei angeic hna hane sine lo Ini Thatraqane La Huliwa Ne Pionie, nge ame hë e thupen, tre 15 hë lao atr hnei angeice hna ini Tusi memin, nge 5 me itre xane hmaca kö la hnei angeice hna nue kowe la itre xa trejin. Nge kolo fe ha nyiqaane sine la itre icasikeu hnene la itre xa ka ini Tusi me angeic. Hnei nemene matre tru jë la etrune la itre atr hnei Madaí hna ini Tusi memin? Hnei angeice hna trotrohnine jëne lo ini, la enyipiewekëne troa canga bëeke hmaca, troa wange la itre atr hnei angeice hna xötrei iöhnyi memin ngöne la hna cainöj. Kola qaja hnene la ketre trejine föe ka nyimu hna ini Tus memin, ka hape: “Hnenge hna öhne laka, ame la nyine tro sa kuca matre atre Iehova jë hnene la itre atr, tre ene la troa catre bëeke hmaca troa wai angatr.”

Tha ka hmaloi kö la troa bëeke hmaca troa wange la itre atr, me ini Tusi Hmitrötr me angatr. Ngo ame pe, nyimutre la itre manathithi hna troa kapa e thupen. Maine tro sa catre cainöjëne hnyawa la maca ne Baselaia, tro hë së lai a xatua itre xan troa “wangate hmekune la nyipici,” nge ma tro fe hë angatre lai a hane mele hnene lai. (1 Tim. 2:3, 4) Nge ame easë, tre thatreine kö së qeje pengöne la aqane troa tingetinge me madrine la hni së.