Ase fe kö epuni e lo itre Ita Ne Thup ne lo itre treu ka ase hë? Haawe, sa jë la itre hnyinge celë:

Eue lo troa humuthe lo nekö i mamoe thatraqane lo Paseka ne drai 14 Nisan?

Easa e e hnine la Tusi Hmitrötr ka hape, troa humuth “e hej;” kolo qaane lo kola hejihej, uti hë la kola ikelikelë atr. (Eso. 12:6)—15/12, götrane 18-19.

Nemene la itre trepene meköti ne la Tusi Hmitrötr ka troa xatuane la thöth troa ië ewekë hnyawa?

Ala köni lao trepene meköt (1) Troa pane thele la Baselaia i Akötresie me thiina ka meköti Nyidrë. (Mat. 6:19-34) (2) Troa huliwa koi itre xan, matre madrin. (Ite hu. 20:35) (3) Troa madrine ngöne la huliwa i Akötresie, e thöthi petre kö. (Ate cai. 12:1)—15/1, götrane 19-20.

Drei lo foa lao ka ti hos ka nyenyape hë qaane lo macatre 1914?

Iesu la ka tithe lo ihos ka wië, nge nyidrëti la ka ukapië Satana me itre dremoni angeic, qa hnengödrai. Ame la atre tithe la ihos ka palulu, tre hatrene lo itre isi ka lepe hnyawa la itre atrene la fen asë. Ame la atre tithe lo ihos ka wetrewetr, tre atre nyihatrene la jiin. Nge ame pë hë lo lai ka tithi la hos ka xu hao, tre kola nyihatrene la itre mec ka humuthe la itre milio lao atr. (Hna ama. 6:2-8)—1/2, götrane 6-7.

Eue la kola “faipoipo la Arenio”? (Hna ama. 19:7)

Kola troa “faipoipo la Arenio,” ene Iesu Keriso Joxu, thupene la hna lep apatrenyi Babulona Atraqatr, me hune hnei Iesu ngöne la isi Amagedo.—15/2, götrane 10.

Hnauëne laka angetre Iudra ekö a “teqene” la Mesia? (Luka 3:15)

Thatre kö së ka hape, nyipi trotrohnine jë kö angetre Iudra ekö lo hna perofetane hnei Daniela göi Mesia, tu së enehila? (Dan. 9:24-27) Ngo ame pe, ma drei mejene hë angatr lo maca hna qaja hnene lo angela kowe lo itretre thupë mamoe, maine ithanata i Ana pena, ngöne lo nyiidro a öhnyi Iesu hnine la ēnē, lo medrenge petre kö nyidrë. Hnene fe lo itre magoi hna thele “anganyidë la hna hnahone Joxu i angete Iuda.” (Mat. 2:1, 2) Nge ame e thupen, hnei Ioane Bapataiso mina fe hna qaja ka hape, easenyi hë troa mama la Keriso.—15/2, götrane 26-27.

Tro sa nyipici tune kaa kowe la hne së hna hape, “Eje hi”? (2 Kor. 1:18)

Nyipici laka, ame itre xa ijin, tre troa traqa koi së la itre ewekë ka sewe së troa aeatrëne lo hne së hna sisiny. Ngo maine hne së hna sisiny, tro pala hi sa kuca asë la hne së hna atrein matre nyipici kow ej.—15/3, götrane 32.

Nemene la aqane tro sa cile kowe la aja ne troa goeëne la itre iatr ka sis?

Köni ewekë nyine troa kuca (1) Maine mama pi hi la ketre iatr ka sis, canga saze hna goe pi. (2) Troa mekune catrëne la itre ewekë ka loi, me thithi koi Akötresie. (3) Tha tro kö a goeëne la itre films maine sit ëternet hne së hna atre ka hape, gaa hetre iatr ka sis.—1/10, götrane 7.

Nemene e itre xa ijine la thangan, e tro la Keresiano a nue la hnepe lapa i angeic, me thele mani ngöne la ketre nöj?

Ame la kola ce axeciëne hnei lue trefëne laka, tro la ketre e nyidro a pane tro, tre tha fene akötre kö lai kowe la ha nekönatr. Nge ma tro hë nyudreni a xele ma wange lai kem maine thin ka tro. Ketre, canga traqa hi la itupath troa nyixetë, e kola lapa iananyi la lue trefën.—15/4, götrane 19-20.

Hnauëne laka, kola thë ekö la lue waca ne la atr hna athipe hune isinöe?

Hnene la angetre Roma hna majemine ekö athipe la itre atr ka huliwa menu, hune la sinöe. Hnene la angetre Iudra hna sipone troa thë la lue waca ne la lue atre Iudra, lo lue ka thipe ezi Iesu, matre canga meci pi nyidro, nge matre tha tro kö nyidro a thipe ngöne la jidri ka pexej. (Deu. 21:22, 23)—1/5, götrane 11.

Nemene la foa lao ewekë nyine tro sa atre, ngöne la easa cainöje kowe la ketre atr?

Drei la hne së hna cainöje kow? Ekaa? Eu? Nge tro sa ithanata tune kaa koi angeic?—15/5, götrane 12-15.

Nemene la engazone la sixa?

Ame ngöne lo ca hadredr lao macatre ka ase hë 100 000 000 lao atr ka mec hnene la sixa. Ame enehila, traqa koi 6 000 000 lao ka mec e nöjei macatre.—1/6, götrane 3.