Ame la zonale celë hnei epuni hna e, tre, hna nyiqaane fejane lo treu Julai macatre 1879. Ame la aqane sazene la itre drai, ceitu fe hi memine la zonale celë. (Wange ju lai ifoto e caha.) Qaane la zonale celë, tro epuni a öhne la itre ewekë ka saze ngöne la Ita Ne Thup. Nemene la itre ewekë ka saze?

Ame ngöne la itre nöje ka nyimutre, tru catre hë la itre atr ka pi e la itre ithuemacanyi jëne Ëternet. Tha jole kö nge nyimenyime hi troa öhne la itre ithuemacanyi ngöne hi la Ëternet. Nge canga tro hi a öhne la itre itusi ka nyimutre, me zonal, me borochüre e cili.

Hnene laka nyimutre catre hë la itre atr ka kuci Ëternet, eahuni a saze asë pi lo site Web hun, matre loi nge tha jole kö e troa huliwan. Ijije kowe la angetre wange lai sit troa e la itre itus ngöne la 430 lao qene hlapa nge sin. Ngo, qaane ju hi la treu celë, ijije fe kowe la angetre wange la sit Web hun, troa e la itre tane mekune ka mama ngöne la itre zonale hnapan, ngo ame enehila, tre, itre eje pe hi a mama hmekuje ngöne Ëternet. a

Pine laka tru hnei tane mekune hna troa fejane ngöne Ëternet, ame lo Ita Ne Thup thatraqai nöjei atr, tre, tha tro hmaca kö a 32 lao götran, ngo tro pe hi a 16. Hna kucaha la Ita Ne Thup enehila koi 204 lao qene hlapa. Ahohopatrene jë hi, nge ijije jë hi troa ujëne atrune catrëne hmaca kö la zonale celë koi nyimu qene hlapa. Ame la Ita Ne Thup Thatraqai Nöjei Atr qene Drehu, tre troa kapa e thupene nöjei köni treu. Nge ame la Ita Ne Thup nyine inin ka 32 lao götran, tre, göi troa inine ngöne la itre icasikeu ne la itre ekalesia ne la Itretre Anyipici Iehova, nge thatraqane fe la nöjei atr.

Easa mejiune laka, tro la itre ewekë hna saze celë a aijijëne la nöjei pengön atr troa kapa la maca ne iamele ne la Tusi Hmitrötr. Catre la aja huni tro pala hi a hamëne la itre ithuemacanyi ka ainamacanë së me ketri së—jëne pepa maine Ëternet—göne la troa xatuane la itre atr troa metrötrëne la itre ini e hnine la Tusi Hmitrötr.

Angetre Cinyihan