Kola sa Hnei Tusi Hmitrötr

Ijije kö troa hane senge la itre ngazo së?

Öni Tusi Hmitrötr, ka ngazo asë hi la itre atr. Easa xeni pune la ngazo ne la pane atr, ene Adamu. Celë hi matre, canga kuca hi së la itre ewekë ka ngazo e itre xa ijin, nge ame pëhë e thupen, easë a ietran. Eloine pe, hnene la Hupuna i Akötresie, Iesu Keriso hna meci matre troa itö së hmaca qa ngöne la ngazo. Celë hi lai ka aijijëne troa senge la itre ngazo së. Ketre ahnahna lai qaathei Aköresie.—E jë la Roma 3:23, 24.

Hetrenyi la itre atr ka kuca la itre ngazo ka tru catr, nge angatr a isa hnyinge ka hape, tro jë kö Akötresieti a hane senge la itre ngazo i angatr. Eloine pe hna qaja hnene la Wesi Ula i Akötresieti ka hape: “Kola hnea tije la nöjei ngazo shë asëjëihë hnene la qazië i Iesu Keriso Hupuna i nyidë.” (1 Ioane 1:7) Maine hetre ngazo ka tru hne së hna kuca, ngo tro Iehova a seng, e hne së hna nyipi ietrane itre ej.—E jë la Isaia 1:18.

Nemene la nyine tro sa kuca matre troa hane senge la itre ngazo së?

Maine easa ajane troa senge la ngazo së hnei Iehova, tre, nyipi ewekë tro sa atre Nyidrë, ene la troa trotrohnine la itre jë i Nyidrë, me itre eamo, me itre hnei Nyidrëti hna amekötin. (Ioane 17:3) Canga tro hi Iehova a senge la ngazo ne la itre atr ka ietrane la itre ngazo i angatr, nge ka thele troa ujë trije itre ej.—E jë la Ite Huliwa 3:19.

Maine easa ajane troa kepe së hnei Iehova, tha jole kö lai, ke trotrohnine hi Nyidrëti laka itre atr ka ngazo së. Ka ihnimi Nyidrë me utipin. Hapeu, pi tro fe kö nyipunieti a hane atre la aqane troa amadrinë Nyidrë?—E jë la Salamo 103:13, 14.

Maine nyipunieti a ajane la itre xa ithuemacany, goeëne ju lo mekene 5 ne la itusi celë Nemene La Nyipi Ini Hna Hamën Hnei Tusi Hmitrötr?, hna kuca hnene la Itretre Anyipici Iehova

[Iatr ne la götran 11]

Maine easa ajane troa kepe së hnei Iehova, thaa jole kö lai