Kola sa Hnei Tusi Hmitrötr

Akötresieti kö a drenge la nöjei thithi asë?

Akötresieti a drenge la thithi ne la itre atr qa ngöne la nöjei nöje asë. (Salamo 145:18, 19) Kola upi së hnene la Wesi Ula i Nyidrë, ene la Tusi Hmitrötr, troa fe koi Nyidrëti la itre ewekë hne së hna lapa fë. (Filipi 4:6, 7) Ngo tha madrine kö Akötresieti la itre xa thith; ka tune la itre thithi hna e gufan.—E jë la Mataio 6:7.

Ketre, tha Iehova kö a kapa la itre thithi ne la itre atr ka ena la itre wathebo i Nyidrë. (Ite Edomë 28:9) Ka tune la angetre Isaraela ekö hna qaja hnei Tusi Hmitrötr, pine angatre ihumuth. Celë hi kepine matre maine easa ajane troa drei së hnei Akötresie, nyipi ewekë tro sa trongëne la itre hnei Nyidrëti hna amekötin.—E jë la Isaia 1:15.

Nemene la nyine tro sa kuca matre troa drei së hnei Akötresie?

Thatreine kö tro Akötresieti a drenge la itre thithi ne la itre atr ka tha lapaune kö. (Iakobo 1:5, 6) Loi e troa xecie hnyawa koi së laka hetre Akötresie ka hnehengazo së. Nge tro sa lapaun, e hne së hna ini Tusi Hmitrötr, ke ame la nyipi lapaun, tre hna nyi trepene hnene la itre ini ka nyipici hna qatrenge hnene la Wesi Ula i Akötresie.—E jë la Heberu 11:1, 6.

Loi e tro sa fe la hni së me hetre ipië ngöne la easa thith, tui Iesu, Hupuna i Akötresie. (Luka 22:41, 42) Tha tro kö a canga maca la qe së troa qaja koi Akötresieti la nyine tro Nyidrëti a kuca, ngo loi e tro pe sa e la Tusi Hmitrötr, me thele troa trotrohnine la itre hnei Nyidrëti hna amekötin. Celë hi lai nyine tro sa kuca, matre tro pala hi a ihmeku la itre thithi së memine la aja i Nyidrë.—E jë la 1 Ioane 5:14.

Maine nyipunieti a ajane la itre xa ithuemacany, goeëne ju lo mekene 17 ne la itusi celë, Nemene La Nyipi Ini Hna Hamën Hnei Tusi Hmitrötr?, hna kuca hnene la Itretre Anyipici Iehova

Ijije hi troa xome ngöne www.pr418.com/dhv

[Iatr ne la götran 16]

Pine nemene matre thaa kapa kö Akötresieti la itre xa thith?