Akötresieti Kö a Meku Së Ngöne La Easa Akötr?
KOLA POROTRIK MEMINE LA KETRE ATR
Akötresieti Kö a Meku Së Ngöne La Easa Akötr?
Hane hi cahu ketre mekune hna lapaa porotrikëne hnene la Itretre Anyipici Iehova memine la itre atr. Pane mekune ju së ka hape, Caletr la ëjene la ketre, nge angeic a porotrike me Suzie.
HNAUËNE LAKA NYIDRËTI A NUE LA EWEKË CELË?
Caletr: Hapeue lai, egöcatr?
Suzie: Öö sine egöcatre hi.
Caletr: Ame ni ke Caletr, nge ame nyipoti ke?
Suzie: Suzie. Kola tune kaa, epuni a tro fë hmi?
Caletr: Öö. Celë hi kepine matre eni a pi hamëne koi nyipoti la sine tarak celë. Hane hi la taan: Ajane Kö Nyipunieti Troa Atre La Nyipici? Nge hane fe e cahu sikisi lao hnying—
Suzie: Eni a pane sipo! Epuni a aluzi traem.
Caletr: Hnauëne laka nyipoti a qaja tune lai?
Suzie: Ke ame koi ni, pëkö Akötresie.
Caletr: Nga eni a olene la hnei nyipoti hna ketre fe la mekuna i nyipo. Ngo hnei nyipoti pala hi hna lapaa mekune tune lai?
Suzie: Ohea, ketre ka hane fe hi ni hmi ekö lo eni a nekönatr. Ngo tha tro hmaca kö ni enehila.
Caletr: Öö! Nga atre hi nyipo Suzie, ame la trongeng, ke tha eni kö a troa musinë nyipo troa saze hmi. Ngo eni pe a pi atre ka hape, hetre kepine kö matre, tha nyipoti hmaca kö a lapaune koi Akötresie?
Suzie: Öö. Hnenge hna nyiqaane luelu thupene lo nenë a akesida.
Caletr: Öö, ekölö hi ni! Tru kö la eatre i eahlo?
Suzie: Öö, ketre tru pi hë, ke genyi pë hë la ketre götrane i eahlo, a traqa enehila koi 17 hë lao macatre.
Caletr: Ekölö hi ni eahlo! Tha ewekë ka hmaloi kö.
Suzie: Öö, nyipici. Kepine hi lai matre eni pë hë la a hnyinge ka hape, maine ka mele ju Akötresie, hnauëne laka Nyidrëti a nue la ewekë celë? Hnauëne laka, Nyidrëti a nue huni troa akötr?
HAPEU, NGAZO KÖ TROA HNYING KA HAPE, HNAUËN?
Caletr: Trotrohnine hi ni la kepine matre nyipo a hnying. Ame la easa akötr, celë hi lai ewekë hne së hna pane kuca. Goi hnyinge fe hnene la itre xa hlue i Akötresieti ekö tune lai!
Suzie: Öö?
Caletr: Öö. Eni a pi amamane koi nyipo la ketre ceitun qa hnine la Tusi Hmitrötr.
Suzie: Ka loi hö.
Caletr: Goeëne la hna qaja hnei Habakuka, ketre perofeta, ngöne Habakuka, mekene 1, xötre 2 me 3: “Iehova fe, tro ni a xëwe koi enëtilai uti hë eu, nge tha dei ni kö hnei enëtilai ; me teije koi enëtilai fë la iangazo, nge tha amelene hnei enëtilai ? Ngöne nemene enëtilai a amamane koi ni la ngazo me ötetëtine la aköt ?” Maine jë hnei nyipoti hna hane hnyinge tune lai perofeta.
Suzie: Öö!
Caletr: Öhne i nyipo, tha hnei Akötresieti kö hna wesitrë Habakuka pine angeice hnying, maine qaja pena ka hape, ka lapaune acone angeic.
Suzie: Öö!
METHI IEHOVA LA AKÖTR
Caletr: Tusi Hmitrötr a ini së ka hape, tha ka sihngödri kö koi Akötresie la itre akötre së, nge Nyidrëti a meku së.
Suzie: Eje kö lai?
Caletr: Eje hi, ke goeëne la hna qaja ngöne la tus i Esodo 3:7. Eni a pane sipo nyipo troa e.
Suzie: Ka loi. Kola hape: “Nge hnei Iehova hna ulatin, ka hape, Öhnë hë ni la aqan’ angazone la nöjeng’ e Aigupito, nge dengë hë ni la latesi angate hnene la ite tixene huliwa ; ke ate kö ni la aköte i angat.’ ”
Caletr: Oleti. Matre nemene hë la hna qaja hnene la xötr, öhne kö Akötresie la akötre ne la itre hlue i Nyidrë?
Suzie: Öö, öhne hi Nyidrë.
Caletr: Eje hi lai, ngo tha Nyidrëti kö a goeëne hi matre ase pi. Ke goeëne la hna qaja ngöne la pune la xötr. Öni Akötresie ka hape: “Ate kö ni la aköte i angat.” Hapeu aqane ewekë ne la Akötresieti ka pë ihnimine lai?
Suzie: Ohea!
Caletr: Öhne hi nyipo, ketre kö la troa öhne hi la ketre ewekë, nge ketre kö la troa ketri së hnene la ewekë cili.
Suzie: Nyipici nyipo.
Caletr: Goeëne la ketre ewekë ka traqa ekö ngöne lo kola akötre hnene la nöje i Akötresie. Hna cinyihane lai ngöne la tus i Isaia 63:9. Kola qaja ngöne la pane götrane la xötr ka hape: “Tha ithupëjia nyidë me angate ngöne la ite aköte i angat.” Tune kaa la mekuna i nyipo, drenge kö Akötresie e kuhu hni Nyidrë la akötre ne la nöje i Nyidrë?
Suzie: Öö, Nyidrëti fe a hane akötr.
Caletr: Öhne hi nyipo Suzie, tru la hna meku së hnei Akötresie, nge xele catre Nyidrëti ma wange la tro sa akötr. Ame la easa akötr, ketre Nyidrëti fe hi lai a hane akötr.
HNAUËNE LA NYIDRËTI A TREQEN?
Caletr: Ca mekune pe hi hnenge hna pane pi ithanatane me nyipo.
Suzie: Ka loi.
Caletr: Eni a pi amamane koi nyipo la hnei Tusi Hmitrötr hna qaja göne la mene i Akötresie, ngöne la tus i Ieremia 10:12. Eni a sipo nyipo troa pane e.
Suzie: Öö. Kola hape: “Nyidëti la ate xupe la fene hnene la mene i nyidë, me acile hutine la hlapa hnene la inamacane i nyidë, me sheluthe la hnengödrai hnene la wangate hmekune i nyidë.”
Caletr: Oleti! Nemene fe la mekuna i nyipo? Ame la ka aijijë Akötresieti troa xupe la hnengödrai me fene hnengödrai asë, tre hapeu, tha ene kö la mene i Nyidrë?
Suzie: Öö eje hi lai.
Caletr: Haawe, maine hetrenyi Akötresieti la mene göi troa xupe la nöjei ewekë asë, tre hapeu, atreine jë fe kö Nyidrë troa kuca la nöjei ewekë asë nyine loi koi së?
Suzie: Öö.
Caletr: Pane mekune hmaca jë nyiso la thine i nyipo. Hnauëne laka, akötre koi nyipo troa goeë eahlo e akötr?
Suzie: Ke thinenge lai! Nge eni a hnimi eahlo.
Caletr: Maine ka trene mene ju nyipo, tro kö nyipo a aloine la meci ne la thine i nyipo?
Suzie: Öö.
Caletr: Ngo easë pe a hai Akötresie. Ke Tusi Hmitrötr a qaja, ka hape, tha sihngödri kö koi Nyidrë la itre akötre së, nge Nyidrëti a meku së, nge tru catre la mene i Nyidrë. Maine ju, tha jole kö koi Nyidrë troa canga apatrene la itre akötre së, ngo Nyidrëti pe a xomihni!
Suzie: Nga atre hi nyipo, tha ase kö ni ekö hane mekune la ewekë cili.
Caletr: Matre tune ka la mekuna i nyipo, hetre nyipi kepine kö la kola pane cile hnei Akötresie troa apatrene la itre jole së? *
Suzie: Ma hetrenyi jë hi.
Caletr: Hö, ma telefone i nyipoti la ka ho; nga goeën, tro hmaca pë hë ni a bëeke e ketre ijin matre tro nyiso a ce ithanatane la mekune cili.
Suzie: Öö ka loi, nge oleti. Qanyi nyipoti hmaca ha. *
Hetrenyi kö la ketre mekune qa hnine la Tusi Hmitrötr hnei epuni hna ajane troa ithanatan? Epuni kö a pi atrepengöne la itre ini, maine itre hna majemine pena hnene la Itretre Anyipici Iehova? Hnyingëne ju kowe la ketre e angatr. Madrine hi angatre lai troa ce ithanatane me epuni la itre mekune cili.
[Ithuemacany]
^ Maine epuni a aja ithuemacany, wange ju la mekene 11 ne la itus Nemene La Nyipi Ini Hna Hamën Hnei Tusi Hmitrötr?, hna kuca hnene la Itretre Anyipici Iehova.
^ Tro pë hë la ketre tane mekune ka tune la, a amamane la kepine matre Akötresieti a nue la akötr.
[Iatr ne la götran 14]