Kola Sa Hnei Tusi Hmitrötr

Nemene la aliene la bëeke hmaca i Iesu?

Qëmekene tro Iesu Keriso a elë hnengödrai eë lo macatre 33 M.K., öni nyidrë ka hape, tro hmaca kö nyidrëti a bëek. Hnei nyidrë hna qeje nyidrëti kö ceitu me joxu ka troa tro kowe la ketre nöje gaa nany, me pane lapa aqeanyi cili. Nge e thupen, tro hmaca ha lai joxu a bëeke troa mus. Eje hi lai aliene la traqa hmaca i Iesu, ene la troa cilëne la musi ka loi kowe la nöjei atr.—E jë la Luka 19:11, 12.

Tro hmaca Keriso a bëeke tune kaa? Ame la kola amele Iesu hmaca qa hna mec, u hmaca ha nyidrë. (1 Peteru 3:18) Nyidrëti pë hë a bëeke jë hnengödrai eë, me lapa ngöne la götrane maca i Akötresie. (Salamo 110:1) Nge thupene hë la itre macatre, hna tro sai Iesu koi Iehova Akötresie, “la qate ate ka hekö,” matre tro Nyidrëti a nue koi Iesu troa musi kowe la nöjei atr. Qa ngöne lai, tha mama kö koi lue mek la kola bëeke hmaca hnei Iesu, ke tha atr kö nyidrë ngo u, nge kola cilëne la göhne i Joxu.—E jë la Daniela 7:13, 14.

Nemene la nyine tro Iesu a kuca e traqa ha nyidrë?

Ame la Iesu a troa traqa memine la itre angela i nyidrë, tro nyidrëti a amekötine la nöjei atr. Tro nyidrëti a lep apatrene la itre atr ka ngazo, ngo tro pë hë a hamëne la mele ka tha ase palua kö kowe la itre ka kapa la mus i nyidrë.—E jë la Mataio 25:31-33, 46.

Ame hë la Iesu a troa Joxu, tro nyidrëti a kuca matre paradraiso jë la ihnadro. Tro nyidrëti a amelene hmaca la itre ka mec matre tro angatr a hane mele hnine lai Paradraiso.—E jë la Luka 23:42, 43.

Maine nyipunieti a ajane la itre xa ithuemacany, goeëne ju lo götrane 73-85 ne la itusi celë, hna kuca hnene la Itretre Anyipici Iehova

Ijije hi troa xome ngöne www.pr418.com/dhv

[Iatr ne la götran 16]

Lolo kowe la nöjei atr elany la mus i Iesu

[Iatr ne la götran 16]