KA QA NGÖNE ICETRÖN | EASENYI JË KOI AKÖTRESIE
Mele Ka Loi Hi La!
Tro sa easenyi Akötresie tune kaa? Ase hë së ce wang lo itre nyine tro sa isa kuca. Troa
Atre me hën la ëje i Akötresie, ene Iehova.
Ithanata lapa koi Nyidrë jëne la thith, me ini Tusi Hmitrötr pala hi.
Catre kuca la itre ewekë ka amadrinë Iehova.
Qaja jë la ëje i Akötresie, thithi jë, inine jë la Tusi Hmitrötr, kuca jë la aja i Nyidrë, matre tro sa hane easenyi koi Nyidrë
Epuni kö a hane trongën? Hetre nyine tro pala kö epuni a nango huliwan? Nyipici laka tha ka hmaloi kö; ngo tro kö epuni lai a öhne la itre thangan.
Öni Jennifer qa Amerika: “Tha gufa kö la nöjei hnenge hna kuca göi troa easenyi Akötresie. Tru catre la itre manathith: eni ha mejiune catre koi Akötresie, kola mama trootro koi ni la nyipi pengö i Nyidrë, nge kolo fe a kökötre catr la ihniminge koi Nyidrë. Ame koi ni ke, mele ka loi hi la!”
Madrine hi la Itretre Anyipici Iehova troa xatua epun troa easenyi koi Akötresie. Maine aja i epun troa ini Tusi Hmitrötr, tha hna nyithupene kö. Ange hane pi traqa troa dreng la kola qeje Tusi Hmitrötr ngöne la hna icasikeu, ke e cili la hnei epuni hna troa öhn la itre atr ka wang atrune la aqane imelekeu i angatr me Akötresie. * Ame e cili, tro epuni a atrehmekune la enyipicine la hna qaja hnene lo ketre atre cinyihane la Salamo, ka qaja ka hape: “Ame ni, loi koi ni troa eashenyi Akötesie.”—Salamo 73:28.
^ par. 9 Maine epuni a pi ini Tusi Hmitrötr, maine tro kowe la hna icasikeu ka easenyi koi epun, qaja jë kowe lai ka traqa fë la zonale celë, maine pena, tro jë kowe la sit Ëternet www.pr418.com, me goeëne fene la hna hape, CINYANYI JË KOI HUN, e kuhu pun lo götrane hna hape LÖ JË.
You May Also Like
ITRE HNA HNYINGËNE LAPAAN
Epuni a Ini Tusi Hmitrötre Tune Kaa?
Hane hi cahu itre mekune ka troa sa la itre hna lapaa hnyingëne thel hnene la itre atr göi ini Tusi Hmitrötr.
