KA QA NGÖNE ICETRÖN | DREI LA ITRE TEMOË I IEHOVA?
Pine Nemene Matre Eahuni a Cainöj?
Kola mama hnyawa la pengö hun, hnene la huliwa ne cainöj; tune la kola cainöj ngöne itre hnalapa trootro me ngöne la itre götran gaa tru atr. Hnauëne la eahuni a wangatrune la huliwa cili?
Kola cainöj hnene la Itre Temoë i Iehova matre troa atrunyi Akötresie nge troa atre la ëje i Nyidrë hnene la itre atr. (Heberu 13:15) Eahuni a ajane troa drengethenge la hna qaja hnei Iesu Keriso, ka hape: “Qa ngöne lai, trojë nyipunie a inine la nöjei nöj’ asëjëihë, . . . ini angate jë troa trongëne la nöjei ewekë asëjëihë lo hnenge hna ahnithe koi nyipunie.”
Ketre, eahuni a hnime la itre atr ka lapa ezi eahun. (Mataio 22:39) Eahuni fe a atrehmekune laka, ame la itre atr, ke, isa hetre sipu hmi angatre kö, nge tha angatr asë kö la ka pi drenge la maca. Eahuni fe a öhne hnyawa laka, jëne iamele la itre ini ne la Tusi Hmitrötr. Celë hi kepine matre eahuni tune la itre pane Keresiano ekö, laka, “tha mano kö angate o drai troa ini, me cainöjë Iesu Keriso.”
Hnei Antonio Cova Maduro ketre atr ka inin la aqane mel, hna qaja ka hape, “pine laka, tru la trengecatr hna kuca hnene la Itre Temoë i Iehova nge tru catre la itre jol hnei angatr hna cile kow, ene pe kucakuca catre angatr . . . , ketre kepine hi lai matre kola haöthe la nöjei götrane la fen hnene la Wesi Ula i Akötresie.”
Alanyimu la itre ka e la itre itusi hun ka tha hane kö ce hmi me eahun. Nge itre milio la etrune la itre ka ini tus me eahun ngacama angatre kö a ketre hmi. Angatr a olen laka hnene la itre Temoë i Iehova hna tro troa hane wai angatr.
Eje hi lai laka, troa hetrenyi la itre xa hnei epuni hna ajane troa atre thene la itre Temoë i Iehova. Ijije hi tro epuni a öhn la itre mekun ka sa la itre hnyinge i epun, hnene la hna
-
Hnying kowe la ketre Temoë i Iehova.
-
Tro kowe la sit www.pr418.com.
-
Sin la itre icasikeu, ke, hna nue koi nöjei atr troa hane traqa nge pëkö thupen.