Ame la Tusi Hmitrötr, tre, ketre itusi ka ketre pengön. Hetrenyi e hnine la itre eamo hna hamëne hnene la Atre Xupi së. (2 Timoteo 3:16) Ka hetre thangane catr kowe la mele së la maca hna hamëne hnene ej. Kola qaja hnei Tusi Hmitrötr ka hape: “Mele la wesi ula i Akötesie, me men.” (Heberu 4:12) Ijije hi tro ej a saze la mele së ngöne la lue götran. Ej a xatua së ngöne la mele së enehila, me xatua së mina fe troa atre Akötresie memine la itre hnei Nyidrëti hna thingehnaean.—1 Timoteo 4:8; Iakobo 4:8.

Lolo hë la mele së enehila. Ijije hi tro la Tusi Hmitrötr a xatua së ngöne la itre xa götrane la mele së. Ej a hamë eamo koi së göne la itre götrane cahu.

• Aqane imelekeu me itre xan.—Efeso 4:31, 32; 5:22, 25, 28, 33.

•   Aqane troa lapa hnyawa la itre mekun me egöcatr.—Salamo 37:8; Ite Edomë 17:22.

• Aqane troa hetre metrötr me thiina ka loi.—1 Korinito 6:9, 10.

• Aqane troa huliwan inamacanëne la mani.—Ite Edomë 10:4; 28:19; Efeso 4:28. *

Ame e Asie, hnene la lue trefën hna kepe thangane ka loi qa ngöne la itre eamo hna amë e hnine la Tusi Hmitrötr. Tune la itre trefën ka nyipi faipoipo petre hi, hnei nyidroti hna thele troa isa atremekune la itre thiina i ketre me ce ithanata pala hi. Ngo hnei nyidroti hna nyiqane trongëne la hnei nyidroti hna e ngöne la Tusi Hmitrötr. Nemene la thangane lai? Öni Vicente ka hape: “Ame la itre hnenge hna e ngöne la Tusi Hmitrötr, tre, kola xatua ni troa cile kowe la itre jole hnine la mele ne trefën. Ame la troa melëne la itre hna qaja e hnine la Tusi Hmitrötr, tre, celë hi ka thue madrine kowe la mele i nyio.” Öni Annalou, föi nyidrëti ka hape: “Hna xatua nyio hnene la hna e la itre ceitune hna amë e hnine la Tusi Hmitrötr. Atraqatre la madrineng enehila, nge ka lolo catr la faipoipong memine fe la itre mekune nyine tro ni a eatrën.”

Troa atre Akötresieti hnyawa. Hnei Vicente hna qaja fe ka hape: “Jëne la hnenge hna lapa e la Tusi Hmitrötr, kösë easenyi catre hë ni koi Iehova enehila hune ekö.” Ame la hna qaja hnei Vicente, tre, kola amamane la ketre mekune ka sisitria laka, ijije hi tro la Tusi Hmitrötr a xatua epuni troa easenyi Akötresie. Maine epuni a e la Tusi Hmitrötr, tro epuni lai a kepe thangane qa ngöne la itre eamo qaathei Akötresie, me atre Nyidrëti hnyawa ceitune memine la ketre enehmu. Nyidrëti fe a amamane la ketre jë ne mele ka loi elany, laka, tro epuni a hetrenyi “la nyipi mel” ka epine palua. (1 Timoteo 6:19) Pëkö ketre itus ka hane qaja tune lai, Tusi Hmitrötr hmekuje hi.

Maine epuni a catre e la Tusi Hmitrötr, tro hë epuni lai a kapa la itre manathithi celë, ene la troa mele ka loi me atre Akötresieti hnyawa. Ngo, ame la epuni a e la Tusi Hmitrötr, tro lai a amejëne thei epun la itre hnying. Ketre, lapa mekune ju la tulu ne lo atre Aithiope, ka mele lo hetre 2 000 hë lao macatre. Nyimutre la itre hnyinge i angeic göne la Tusi Hmitrötr. Ame lo kola hnyingë angeic ka hape, trotrohnine hi angeic la hnei angeic hna e, öni angeice jë hi e sa ka hape: “Tro ni a ate tune ka e pëkö ate troa amekötine koi ni?” * Ame hnei angeic hna canga kapa la ixatua qaathei Filipo, ketre atre drei Iesu ka atreine hamë ini. (Ite Huliwa 8:30, 31, 34) Maine aja i epuni troa atrepengöne hnyawa la Tusi Hmitrötr, eahuni a könë epuni troa nyi aliene la pepa ngöne la sit www.pr418.com, maine pena cinyanyi ju kowe lai aderesi ka easenyi koi epun, ka mama ngöne la zonal celë. Wange ju fe la Itretre Anyipici Iehova ngöne la nöje i epun, maine pena tro jë kowe la Uma Ne Baselaia ka easenyi koi epun. Hapeu, tha epuni kö a ajane troa xome la Tusi Hmitrötr matre troa eatrongë epun kowe la ketre mel ka mingöming?