10:13

Ijiji Iehova hi troa apatrene la itre jole së. Ngo, Nyidrëti a “nyi jëne kötr,” ene la troa hamë së la ka nyipiewekë matre troa cile kowe la jol.

• Hetre ixatua hne së hna kapa qaathei Iehova jëne la Tusi Hmitrötr, memine la uati hmitrötr, me jëne la itre hna hnëkën hnene la hlue ka nyipici me ka inamacan. Nyidrëti a ithuecatre koi së, me xatua së troa atreine waiewekë hnyawa.​—Mat. 24:45; Ioane 14:16; Rom 15:4

• Nyidrëti a eatrongë së jëne la uati hmitrötr. Ej a amekunë së la itre hna melën e hnine la Tusi Hmitrötr, memine la itre trepene meköt matre tro sa atreine axecië mekune hnyawa.​—Ioane 14:26

• Tro fe Nyidrëti a upe la itre angela troa xatua së.​—Heb 1:14

• Nyidrëti a nyijëne la itre trejin matre troa xatua së.​—Kol 4:11