ENYIPIEWEKËN: Maine tro la hnainin a hnëkëne la ini tusi angeic, tro hë angeic a trotrohnine hnyawa la itre ini, me hnehen itre ej. Nge tro fe hë angeice lai a kökötre lolo ngöne la nyipici. Ketre, thupene la hna xomi bapataiso, nyipiewekë tro palahi angeic a hnëkëne la itre icasikeu memine la huliwa ne cainöj, matre troa catre ‘hmek.’ (Mat. 25:13) Haawe, e majemine hë angeice inine la Tusi Hmitrötr, tro hë lai a hetre thangan ngöne la mele i angeic. Celë hi matre, ame ngöne la xötrei, loi e tro sa amamane kowe la hnainin la aqane tro angeic a hnëkëne hnyawane la ini tusi angeic.

AQANE TROA KUCA:

• Troa amamai tulu. (Rom. 2:21) Loi e tro sa mekun la hnainin ngöne la easa hnëkën la ini tusi angeic. (km 15/11 3) Loi e tro fe sa amamane koi angeic la itusi së hna sija

• Troa ithuecatre koi angeic troa hnëkë. Ame ngöne la xötrei, amamane jë koi angeic laka, nyipiewekë troa hnëkë ke, ketre aqane tro hi së lai a ini tusi cas, nge ka hetre thangane catr. Amamane jë fe koi angeic la aqane troa eköth la ketre porogaram, matre hetre traem troa hnëkë. Ame la itre xa trejin ke, angatr a hamëne kowe la hnainin la itusi angatr hna sija, matre troa amamane koi angeic la eloine la troa hnëkë hnyawa. Ketre loi e tro sa qaja aloinyi angeic, ngöne la angeic a hnëkë

• Troa amamane koi angeic la aqane troa hnëkë. Ame la itre xa trejin, tha canga nyiqane ini tusi kö angatr ke, angatr a pane amamane kowe la hnainin la aqane troa hnëkëne la ini tus