1-7 Eiperem
SALAMO 23-25
Nyima 4 Me Thith | Ibozu Me Ikep (1 men.)
1. “Iehova La Atre Thupë Ni”
(10 men.)
Iehova a eatrongë së (Sa 23:1-3; w11-F 1/5 31 par. 3)
Iehova a thupë së (Sa 23:4; w11-F 1/5 31 par. 4)
Iehova a ithua së (Sa 23:5; w11-F 1/5 31 par. 5)
Tune la atre thupë mamoe ka thupëne hnyawane la itre mamoe i angeic, Iehova a thupëne hnyawane la itre hlue i Nyidrë.
ISA HNYINGE JË KA HAPE, ‘Tune kaa la aqane thupë ni hnei Iehova?’
2. Itre Mekune Ka Sisitria
(10 men.)
Sa 23:3—Nemene la “itre gojenyi ne la meköt,” nge nemene la ka troa xatua së, matre tha tro kö a thele xaa gojeny? (w11-F 15/2 24 par. 1-3)
Nemene la itre mekune ka sisitria hnei epuni hna xome jëne la hna e Tusi Hmitrötr ngöne la wiik?
3. E Tusi Hmitrötr
(4 men.) Sa 23:1–24:10 (th ini 5)
4. Xötrei Iöhnyi
(3 men.) CAINÖJ E CAHU HNA TRO. Hamëne jë la ca xötr ka ithuecatr kowe la ketre atr ka seseu göne la itre jol ka ketr la environnement. (lmd mekene 2 ini 5)
5. Kola Iwai Hmaca
(4 men.) NGÖNE LA ITRE HNALAPA TROOTRO. Amamane jë kowe la atr ka kapa la boroshür Gojenyi Kowe La Nyipi Mel! la aqane ini Tus. (lmd mekene 9 ini 3)
6. Ini Tusi Hmitrötr
(5 men.) lff mekene 14 ini 4 (lmd mekene 11 ini 3)
Nyima 54
7. Kötrene Pi La Nine Ithanata Ne La Itre Trenyiwa
(15 men.) Troa ce ithanatan.
Atre hnyawa hi la itre mamoe la nine ne la atre thupë mamoe, me xötrethenge nyidrë. Ngo nyudreni pe a kötrene la itre trenyiwa, ke tha wangatrehmekune kö nyudreni la nine i angatr. (Ine 10:5) Ketre tu së hi, easa dreng la nine ithanata ne la lue Atre Thupë Mamoe ka menyik nge hne së hna mejiune kow, ene Iehova me Iesu. (Sa 23:1; Ine 10:11) Ngo easë pe a kötrene la nine ithanata ne la itre trenyiwa ka thel troa akucakucane la lapaune së hnene la “itre trenge iaö.”—2Pe 2:1, 3.
Genese mekene 3 a qaja la kola xötrei drenge la nine ne la ketre trenyiwa. Hnei Satana hna juetrëne la pengöi angeic la angeic a ithanata koi Eva. Hnei angeic hna thoi ka hape, ijiji Eva hi troa nyisinee i angeic, nge hnei angeic hna saze la itre trengewekë i Iehova me itre aja i Nyidrë. Ngazo pe, hnei Eva hna drei angeic, matre akötre la pun koi eahlo me fami eahlo.
Satana fe enehila a thel troa aciane la luelue göi Iehova me organizasio i Nyidrë jëne la itre trenge iaö, me itre trengathoi. Kötrene pi la nine ithanata ne la trenyiwa! Poizin la tro sa pi atre maine dreng la itre trengathoi cili. Ije hnaewekë hnei Satana hna huliwan matre iaö Eva? (Ge 3:1, 4, 5) Nemene la nyine tro sa kuca e traqa ju la ketre atr hne së hna atre maine hnim, a amamai së la itre nuvel ka qajangazone la organizasio i Iehova?
Elone jë la VIDEO Kötrene Pi “La Nine Ithanata Ne La Trenyiwa.” Nge sa jë cahu hnying:
Nemene la ini hne së hna xom qa ngöne la aqane ujë i Jade kowe la thine i angeic ka tha hmi kö?
8. Ini Tusi Hmitrötr Ne La Ekalesia
(30 men.) bt mek. 8 par. 1-4, itre hna eköhagen g. 61-62
