MELE NE KERESIANO

Xatuane Jë La Itre Atr Ka Pë Hmin, Troa Atre Akötresie

AMELEN

Hnei epuni kö hna hane xou troa cainöj kowe la ketre atr ka pë hmin, ke ame koi epun tha tro kö angeic a drei epun? Maine eje hi, ke the thëthëhmine kö laka, alanyim la itre atr ka pë hmin me ka tha mejiune koi Akötresie, ka nyihlue i Iehova hë enehila. Ame itre xaa ijin, angatre hi a ajan tro sa amamane la itre ewekë ka anyipicine ka hape, hetre Akötresie. —Ro 1:20; 10:14.

GOEËNE JË LA VIDEO HNA HAPE MEKUNE PALAHI EPUN—HNENE FE LA ITRE KA THA LAPAUN HNA HANE LAPAUN!—ITRE KA PË HMI, NGE SA JË CAHU HNYING:

Tro la hna melëne hnei Tommaso a xatua epun tune kaa, troa cainöj kowe la itre ka pë hmin?

Sa jë e ce

Aqane tro epuni a kuca

Maine tro la ketre atr a qaja ka hape, tha ka lapaune kö angeic koi Akötresie, ke ithanata amenyikene jë koi angeic. Drei angeic hnyawa ju, la angeic a qaja la mekuna i angeic, me itre alien ne hni angeic. (2Ti 2:24) Qaja jë la itre mekune hnei angeic hna ajan troa atre. Aja i angeic kö troa atre la kepin matre alanyim la itre ka mejiun laka, hetre Atre Xup? Hna hane fe amë la boroshüre La vie a-t-elle été créée? me Cinq questions à se poser sur l’origine de la vie ngöne la Jia Ne Cainöj, matre tro la itre atr a e.

Maine xou i epun troa cainöj kowe la ketre atr ka tha lapaune koi Akötresie, ke sipo ixatua jë kowe la ketre trejin ka maca troa cainöj. Nge the thëthëhmine kö laka, tro kö Iehova a ketr la hni ne la itre atr ka hmalahnine troa kapa la maca, ngacama tha ka lapaune kö angatr ekö koi Nyidrë.—Hu 13:48.

MEL ME HULIWA NE CAINÖJ NE LA KERESIANO–PEPA NYINE HULIWAN