Pëhë mejiune la itre atr kowe la itre ka cilëne la itre mus. Pine nemen? Qaane ekö, itre ka cilëne la itre göhnë ka tru a huliwan angazone la musi angatr, me kuca la sipu aja i angatr. (Mi 7:3) Easa madrine ke, itre qatre thup a huliwan hnyawane la hnëqa i angatr matre thupëne la nöje i Iehova.—Ese 10:3; Ma 20:​25, 26.

Isapengöne catre la itre qatre thup memine la itre ka cilëne la itre musi enehila. Angatr a cilëne hnyawane la hnëqa ke, angatr a hnimi Iehova memine la itre hlue i Nyidrë. (Ine 21:16; 1Pe 5:​1-3) Angatr a xötrethenge la itre hna amekötine hnei Iesu, matre xatuane la itre trejin troa madrine ngöne la fami Iehova, me easenyi koi Nyidrë. Itre qatre thup a hamëne la itre ithuecatr qa hnine la Tusi Hmitrötr, me canga xatuane la itre mamoe i Iehova, la angatr a lö koi pital, maine la kola traqa la ketre hulö. Haawe, maine epuni a aja ixatua, ke canga tro jë troa wange la ketre qatre thup ne la ekalesia i epun.—Ia 5:14.

GOEËNE JË LA VIDEO HNA HAPE, ITRE QATRE THUP A THUPËNE LA ITRE MAMOE, NGE SA JË CAHU ITRE HNYING:

• Nemene la itre thangan hnei Mariana hna kapa, qa ngöne la ixatua ne la itre qatre thup?

  Sa jë e ce

• Nemene la itre thangan hnei Elias hna kapa, qa ngöne la ixatua ne la itre qatre thup?

  Sa jë e ce

• Nemene la ka ketri epun ngöne la video, la epuni a öhne la huliwa ne la itre qatre thup?

  Sa jë e ce