Ame lo Iesu e celë fen, tru catr la ihnimi nyidrë kowe la itre atr, tune la itre ka pë ewekë me ka akötr. (Mataio 9:36) Hnei nyidrë fe hna nue la mele i nyidrë thatraqane la itre atr. (Mataio 20:28; Ioane 15:13) Pine laka, nyidrë la Joxu ne la Baselaia, nge tru la ihnimi nyidrë kowe la itre atr, easenyi hë tro nyidrëti a amelene la itre ka pë ewekë e celë fen.

 Ka mingöming la hna qaja hnei Tusi Hmitrötr göne la hnei Iesu hna troa kuca:

•   “Epi tro angeic a cilëgöline la itre ka ipië ngöne la nöj, me amelene la itre neköne la ka pë ewekë.”—Salamo 72:4.

 Tune kaa la aqane tro sa amamane la hni ne ole së kowe la nöjei ewekë hnei Iesu hna kuca thatraqai së, me itre hnei nyidrëti hna troa kuca elany? Ame ngöne Luka 22:19, Iesu a upe la itretre drei nyidrë troa amekunëne la meci nyidrë. Celë hi matre, e nöjei macatre, ngöne la drai ne meci nyidrë, Itre Temoë Iehova a cas matre atrune la meci nyidrë. Eahuni a hane hë epun matre tro sa ce atrune la Drai Ne Amekunëne la meci Iesu e Sabath 24 Maac 2024.

Ekaa La Hnë Atrune La Drai Ne Amekunën