Ame lo Iesu e celë fen, tru catr la ihnimi nyidrë kowe la itre atr, göi hamëne fe nyidrë la mele i nyidrë thatraqai angatr. (Mataio 20:28; Ioane 15:13) Easenyi hë la ijin laka, tro hmaca kö nyidrëti a amamane la ihnimi nyidrë kowe la itre atr. Pine laka nyidrëti la Joxu ne la Baselaia i Akötresie, tro nyidrëti a “apëne la itre isi e celë fen.”—Salamo 46:9.

 Goeëne la hna qaja hnei Tusi Hmitrötr göne la aqane tro Iesu a kuca:

•   “Tro angeic a amelene la ka pë ewekë ka sipo ixatua, memine la ka co, me nöjei atr ka pë atre xatuan. Tro angeic a utipine la ka co memine la ka pë ewekë, nge tro angeic a amelene la itre ka pë ewekë. Tro hë angeic a amele angatr qa ngöne la iangazo me isi.”—Salamo 72:12-14.

 Tune kaa la aqane tro sa amamane la hni ne ole së kowe la nöjei ewekë hnei Iesu hna kuca thatraqai së, me itre hnei nyidrëti hna troa kuca elany? Ame ngöne Luka 22:19, Iesu a upe la itretre drei nyidrë troa amekunëne la meci nyidrë. Celë hi matre, e nöjei macatre, ngöne la drai ne meci nyidrë, Itre Temoë Iehova a cas matre atrune la meci nyidrë. Eahuni a hane hë epun matre tro sa ce atrune la Drai Ne Amekunëne la meci Iesu e Sabath 24 Maac 2024.

Ekaa La Hnë Atrune La Drai Ne Amekunën