Eje hi, Itretre Anyipici Iehova mina fe a hane tro koi droketre me thele nyine la itre mec i angatr. Eahuni a tupathe troa nyihnyawane hnyawa la ngönetrei huni me kuca matre tro pala hi huni a egöcatr; ngo ame pe, nyipi ewekë itre xa ijine troa wai droketre. (Luka 5:31) Hetre Itretre Anyipici Iehova enehila ka droketre, tui Luka, ketre Keresiano ekö.—Kolose 4:14.

Ngo hetre itre aqane inyië ka isazikeu kö memine la itre trepene meköti ne la Tusi Hmitrötr, nge tha eahuni kö a kapa la itre aqane inyië cili. Ka tune la troa athipi madra, pine laka Tusi Hmitrötr a wathebo huni troa xomi madra kowe la ngönetrei hun. (Ite Huliwa 15:20) Tusi Hmitrötre fe a wathebone koi huni troa xome la itre drösinöe me itre xa aqane inyië hna ahnithe hnene la itre ka trene drösinöe.—Galatia 5:19-21.

Ame pe, tru catre pala kö la itre drösinöe hna tha wathebone kö hnei Tusi Hmitrötr troa xom. Ngo isa qanyi së pë hë isa iëne la aqane inyië ka loi koi së. Maine jë tro la ketre Atre Anyipicin a kapa, ngo tro pë hë ketre a thipetrij.—Galatia 6:5.