‘Ku Nhialic abï pïïu ke kenyïïn weec ë kenyïïn kedhie, ku thuɔɔu acïï bï be tɔ̈u, ayï jiɛthëpiɔ̈u, ku dhiëëu, ku arɛɛm.’ —Nyuuth 21:3, 4, Jam De Nhialic

Baibol ee ɣok dɛɛt puɔ̈th nɔn nadɛ̈ kärɛc ë röt luɔ̈i ɣok, acie Nhialic yen keek bɛ̈i.—Jakop 1:13

Baibol ee ɣok dɛɛt puɔ̈th nɔn nadɛ̈ Nhialic aŋic mɛɛmdan tɔ̈u ɣok thïn ku ee ye reem puɔ̈u.—Dhekaria 2:8.

Baibol ee ɣok gäm ŋɔ̈th aya nɔn bïï mɛɛm dhiɛl thök ëbën.—Diɛt 37:9-11.

Ee yic, alëuku buk gam ë wɛ̈t käŋ karou:

• Nhialic aman mɛɛm ku yaaŋ ye kɔc röt yɔŋ. Tïŋ të cïï Yekoba Nhialic ye yɔ̈k thïn ye puɔ̈u wään tïŋ en kɔcke keke yɔŋ keek ë dhaman thɛɛr ë Baibol. Aye Baibol lueel, ee Nhialic reem puɔ̈u ë wɛ̈tŋö, aman “dhiëndɛn ye keek dhiau në yaaŋ yɔŋë keek” ë kɔc ater.—Bäny ke Luk 2:18, Jam De Nhialic.

  Nhialic aman kɔc ë kärɛc luɔ̈i kɔc kɔ̈k. Cït man, aye Baibol lueel “ciin ee raan cïn guöp awäc nɔ̈k,” amɛɛn Nhialic.—Kɛ̈ŋ 6:16, 17.

• Nhialic ee diɛɛr ë kuat ë raan ëbën ë ɣo yiic. Cït man ye raan ‘cï piɔ̈u jiɛth arɛɛm yök ë ye guöp’ Yekoba ee kë rem kɔcke gup yök ë ye puɔ̈u aya!—2 Lëk de Akööl 6:29, 30.

  Ë dhaman thiɔ̈ɔ̈k bï bɛ̈n, Yekoba abï Bäänyde luɔ̈ɔ̈i bïï yen kä dhal kuat raan ëbën nyaai. (Mathayo 6:9, 10) Ku ëmën yeköölë, Yekoba ee kɔc wën nɔŋ gääm ku yekë yen door dɛɛt puɔ̈th.—Luɔi de Tuuc 17:27; 2 Korinthoi 1:3, 4.