“Thieithieei awu kɔc ë puɔ̈th miɛt aa kɔc ee jam ë Nhialic piŋ, ku yek döt awu loikë”—Luk 11:28, Jam De Nhialic.

Ba nhiëër ë yic yök.—Epethiei 5:28, 29.

Ba riëëu awu athɛ̈ɛ̈k ë yic yök. —Epethiei 5:33.

Ba dɔ̈ɔ̈r yic yök.—Mak 10:6-9.

Ee yic, alëuku buk gam ë wɛ̈t käŋ karou:

• Nhialic ee yen ë Jɔk baai cöök. Aye Baibol lueel, ‘ee Yen ë cak bɛ̈ɛ̈i ëbën, bɛ̈ɛ̈i tɔ̈u paannhial ku bɛ̈ɛ̈i tɔ̈u pinynɔm.’ (Epethiei 3:14, 15) Ka yen, wɛ̈tde yic yen kïn, aguiɛɛr ë ciɛɛŋ ë baai ye kɔc rëër ë dɔ̈ɔ̈r ku mät atɔ̈u ë wɛ̈t cïï Yekoba ye cak. Ye wɛ̈tŋö ye kënë yic thiɛk?

  Thɔ̈ɔ̈ŋë yic da: Të nɔŋ en cäm piɛɛth wën ca thiëëp ku aca yök ke mit, ku awïc ba ŋic ye käŋö cïï ke cäm kënë thaal, yeŋa lëu ba thiëëc? Ke cïn dak ë puɔ̈u, yïn lëu ba raan ë thal en thiëëc.

  Ke yen tëde aya, të wïc ɣok en buk miɛt puɔ̈u yic yök baai, ke ɣo lëu buk Yekoba thiëëc, Raan ë cak baai.—Cäk 2:18-24.

• Nhialic ee diɛɛr ë yïn. Kɔcke bɛ̈ɛ̈i ëbën aa yeke dɛɛt puɔ̈th bïk Baibol ya kueen ëtök, ku tɛ̈ɛ̈ukë wëët ë Yekoba ë luɔi yic awu ë pïïrden yic. Ye wɛ̈tŋö lëu bïï week kënë looi? ‘Ee wɛ̈t ye Nhialic diɛɛr ë week.’ (1 Petero 5:6, 7) Anhiɛɛr Yekoba ye puɔ̈u bï we luöi këpiɛth, ku wëëtde ë Baibolic alëu bï we kuɔny!—Kɛ̈ŋ 3:5, 6; Yithaya 48:17, 18.