Abï nɔŋ “jönërɔt ë kɔc cï thou.”—Luɔi de Tuuc 24:15, Jam De Nhialic.

Baibol ee ɣok dɛɛt puɔ̈th të cïï raandan nhiarku thou.—2 Korinthoi 1:3, 4.

Baibol ee ɣo yiëk nɔmlääu buk cïï ye riɔ̈ɔ̈c ë thuɔɔu.—Ɣeberuu 2:15.

Baibol ee ɣo gäm ŋɔ̈th nɔn bïï ɣok kɔckuɔn cï thou bɛn tïŋ.—Jɔn 5:28, 29.

Ee yic, alëuku buk gam ë wɛ̈t ë käŋ kadiäk:

• Nhialic ee yen ë cak pïïr. Aye Baibol lueel, Nhialic Yekoba ee yen ë ‘gɛ̈m ɣok pïïr.’ (Diɛt 36:9; Luɔi de Tuuc 17:24, 25) Nhialic, raan ë cak këriëëc pïïr ë pinynɔm ëbën, anɔŋ riɛl lëu bïï yen kɔc cï thou jɔt ë thuɔɔu yic bïk bɛ pïïr.

• Nhialic ee cï kɔc cï thou kaŋ jɔt ë thuɔɔu yic ë dhaman thɛɛr. Baibol ee jam nɔn ë cïï Nhialic kɔc kabɛ̈t jɔt ë thuɔɔu yic bïk bɛn pïïr ë pinynɔm ë tënë. Ku kɔckä, aa nɔŋiic mïth, kɔc cï dhiɔp, röör, ku jɔl ya diäär. Kɔc kɔ̈k ë ke yiic, aa këc dhamandït nɔ̈k ë thuɔɔu yic, ku raan tök, ee cï nïn kaŋuan nɔ̈k ë raŋic!— Jɔn 11:39-44.

• Atɔ̈u ë Nhialic puɔ̈u bï kɔc cï thou bɛn jɔt ë thuɔɔu yic. Yekoba aman thuɔɔu ku aye tïŋ kë ye raan ater. (1 Korinthoi 15:26) Atɔ̈u ë Nhialic puɔ̈u bï raan ater ye cɔl thuɔɔu tiaam ë kueer bïï yen kɔc cï thou jɔt ë thuɔɔu yic. Atɔ̈u ë ye puɔ̈u aya bï kɔc cï thou ëbën jɔt ë thuɔɔu yic bïk bɛ pïïr ë pinynɔm ë tënë.—Jop 14:14, 15.