PIÖÖC 10
Të ye Röl Waaric Thïn
Kɛ̈ŋ 8:4, 7
JAM CIEKIC: Ye wël ŋiɛc cɔɔl ë të piɛɛth wën lëu bï kɔc gɔɔt puɔ̈th ë kueer bïï yïn rɔ̈ldu ya waaric, ku jat ë nhial, awu dhuɔ̈k ë piny.
YE KËDÏ BÏÏ YÏN YE LOOI?
-
Ye yï röl jat nhial ku bɛn ë dhuɔ̈k piny. Ye yï röl jat nhial të kueen yïn yith thiekiic ba kɔc piŋ yïn gɔɔt puɔ̈th. Ye yï röl jat nhial aya të kueen ë yïn cök ke Baibol wën jam ë biäk ë luk. Ye yï röl dhuɔ̈k piny aya të kueen yïn kë bï rot looi tueŋ, awu të cïï raan riɔ̈ɔ̈c awu cï diɛɛr.
-
Ye yï röl waar. Të lëu yen rot thoŋdun ye yïn jam, ye yï röl jat nhial ba nyuɔɔth nɔn jiɛɛm yïn ke yï tuc guöp, nɔn jiɛɛm yïn ë këdït awu kë koor, ku nɔn jiɛɛm yïn ë tëmec awu të thiɔ̈k. Ye yï röl dhuɔ̈k piny të jiɛɛm yïn kërɛɛc cï rot looi awu diɛɛr.
-
Ye jam amääth awu ye jam apɛi. Ye jam apɛi të nɔŋ en këpiɛɛth cï rot looi. Ku ye jam amääth të nɔŋ en wël piɛɛth thiekiic wïc ba keek lueel.
