Ye jam käpiɛɛth wën lëu bïk kɔc piŋ yïn miëët puɔ̈th. Ye gam yï puɔ̈u nɔn nadɛ̈ wɛ̈tamäthku ku nyïïrakäcku awïckë bïk Yekoba miëët puɔ̈u. Të këc yïn keek guɔ gam wëët wën bï keek cɔk nïïm piny, yeke kaŋ leec ë käpiɛɛth cïk ke looi.

Duk kärɛc loi röt ë jäämiic apɛi. Ye kärɛc cï röt looi mat ë jamdu yic bïï yïn käthiekiic ŋiɛc laariic tënë kɔc piŋ yïn. Them bï wëlku ëbën, ya wëlpiɛɛth ë kɔc miëët puɔ̈th.

Ye wɛ̈t ë Nhialic ŋiɛc luɔ̈ɔ̈i apiɛth. Ye kä cïï Yekoba ke looi ŋiɛc dɛ̈ɛ̈tic kɔc piŋ yïn, cït man kä looi keek yeköölë, ku jɔl ya kä bï ke luöi mɛnh ë raan ë kööl bï bɛ̈n tueŋ. Ye kɔc piŋ yïn dɛɛt puɔ̈th bïk nɔŋ ŋɔ̈th ku riɛl ë puɔ̈u.