PIÖÖC 19
Them bï Jamdu Kɔc ya Gɔɔt Puɔ̈th
Kɛ̈ŋ 3:1
JAM CIEKIC: Kony kɔckun piŋ yïn bïk puɔ̈th ya miɛt kä cïk kë piɔ̈ɔ̈ciic ku yeke ke tääu ë luɔɔi yic.
YE KËDÏ BÏÏ YÏN YE LOOI?
-
Kuɔny kɔckun piŋ yïn bïk ŋic yeŋö dak nyin pïïrdenic ku cökë piny. Ye ke thiëëc ë thiëc wën bï ke kuɔny bïk ke nïïm ya tak, yeŋö dak nyin ë pïïrdenic.
-
Ye ke lɛ̈k käpiɛɛth bïk ke looi. Kuɔny kɔc piŋ yïn bïk ke nïïm ya tak, ye wɛ̈tŋö piɛɛth en bïk käpiɛth ya looi ë pïïrdenic. Kuɔny keek bïk käpiɛth ya looi wɛ̈t ë nhiɛɛr keek Yekoba, ku kɔc, ku jɔl ya kë yekë piɔ̈ɔ̈c ë Baibolic. Ye kɔc piŋ yïn kuɔny bïk yith tɔ̈u Baibolic deetiic; ku acie këdun tɔ̈u yïnɔm. Të gɛɛm yïn jam, duk kɔc piŋ yïn ë yɔ̈ɔ̈r gup, ye ke dɛɛt puɔ̈th, bïk këpiɛɛth wën lëukë luɔɔi ya looi.
-
Kuɔny kɔc bïk Yekoba nhiaar. Cuɔthë ke nïïm bïk deetic, ye këdï ye piööc ë Baibol, wëët tɔ̈u Baibolic, ku lööŋ tɔ̈u Baibolic, kït ke Nhialic nyuɔɔth ku nhiëërde tënë ɣook. Kuɔny kɔckun piŋ yïn bïk deetic yeŋö wïc Yekoba tënë keek, ku ye këdï bïk kek ye miëët puɔ̈u.
