PIÖÖC 2
Jam Piɔlic bï Deetic ku Nɔŋic Athɛɛk
2 Korinthoi 2:17
JAM CIEKIC: Ye jam, jam piɛɛth ye ŋiɛc deetic, ë bɛ̈nbei yïpuɔ̈u, wën ye nyuɔ̈th kɔc piŋ yïn nɔn nhiɛɛr yïn keek ku jɔl ya kë jäämë yic.
YE KËDÏ BÏÏ YÏN YE LOOI?
-
Të guiir yïn rot, ye kaŋ lɔ̈ŋ. Thiëc Yekoba ba yïnɔm tääu kë jäämë yic, ku acie të bïï kɔc yïn lɔ tiëŋ thïn. Kuɛ̈nyë wël thiekiic bei, wën nhiar ba ka lɔ jäämiic ke kɔc. Ye jam wël ë bɛ̈nbei yïpuɔ̈u ku acie nɔn ba wël cï ke gɔ̈t awerekic jäl ya kuɛ̈n kɔc.
-
Cɔl jamdu ye bɛ̈nbei yïpuɔ̈u. Tak yïnɔm, ye wɛ̈tŋö thiek yen yic bï kɔc piŋ yïn këdun luel piŋ. Tääu yïnɔm e kë nhiarkë yic. Të ye yïn kɔ̈ɔ̈c thïn, të ye yïn yï ciin luɔɔi thïn, tuöc ë guöpdu, ku jɔl ya të ye yïn yï nyin luɔɔi thïn, aabï ye nyuɔɔth nɔn nadɛ̈ këdun luel ee yic ku yïn nhiar kɔc piŋ yïn.
-
Ye kɔc piŋ yïn ɣoi. Ye kɔc piŋ yïn ɣoi nyïïn të cïï yen keek ë riääc gup. Të gɛɛm yïn jam, ye raan tök ɣoi nyin, na lä ke yï ben raan däŋ ɣoi nyin, ku duk keek ë ɣoi nyïïn kedhie ë dhaman tökic.
