Luöi käk yäp wën yith ku aa ŋic kɔc keek. Cɔl këdun ye piɔ̈ɔ̈c ye bɛ̈nbei ë Baibolic, ku na lëu rot, ka lëu ba kueen thïn ëtɛ̈ɛ̈n. Të wïc yïn ba jam ë biäk ë yith ke thaany, wël ciɛɛl keek, kë cï rot looi ë pïïr raanic, awu yith kɔ̈k, ke yï kɔŋ yäp looi ba ŋic nɔn ye wëlkë yith.

Ye ɣɔ̈n ke yäp ŋiɛc luöi apiɛth. Ye cök ke Baibol laariic apiɛth bïk mat ke kën ë cï rot looi, ke jiɛɛm ë Baibol ë biäkde, ku yekë mat aya ke athöör cïï “aluaŋ nɔŋ gäm ku ŋic käŋ ke gɔ̈t.” (Math. 24:45) Ku na luöi wël cïï kɔc cie Ciëëtke Yekoba ke gɔ̈t, ke luöi keek të cït tëdɛn cï gät keek ku duk ke wariic.

Lar yithiic tënë kɔc piŋ yïn. Të kueen yïn cöök ë Baibol awu wël ca ke yɔ̈ɔ̈p, ke yï luui thiëc awu kääŋ bïï yïn kɔckun piŋ yïn kuɔny bïk kë luel deetic.