Kuany kɛ̈ŋ thii piɔliic. Cït man ë Yecu, luɔ̈i kääŋ thiin koor bïï yïn këdït thiekic laaric, ku luɔ̈ɔ̈i kääŋ piɔlic bïï yïn këdït rilic cie deetic laaric. Të luui yïn kääŋ, kë duk ben thiɔ̈ɔ̈ŋ nɔm ë wël lëu bïk ye cɔl rilic bï cïï deetic. Tääu yïnɔm bï kääŋdu ya mat ke këdun jääm ë yic ago kɔc këdun piɔ̈ɔ̈cë ŋiëc deetic ku acie kääŋ wën lëu bï ke muɔ̈ɔ̈r.

Ye kɔckun piŋ yïn muk ë yïnɔm. Kuany kɛ̈ŋ wën ë jam ë kä ye kɔckun piŋ yïn ke looi ku nhiarkë keek. Tääu yïnɔm aya bï kɛ̈ŋ yeke luɔ̈ɔ̈i kɔc piŋ yïn cïï rɛc puɔ̈th awu bï ke yɔ̈ɔ̈r gup.

Ye kë thiekic kuɛ̈ny bɛ̈i ku ye yen piɔ̈ɔ̈cë. Tääu yïnɔm kääŋ wën bï käthiekiic laariic ku duk këriëëc ëbën ë jäämic. Tääu yïnɔm aya bï kɔckun piŋ yïn kë thiekic ya muk ke nïïm ku acie kääŋ yetök.