“Wek aa [dhil aa kɔc ë] kɔc kɔ̈k piɔ̈ɔ̈c wɛ̈t Nhialic.” (Ɣeb. 5:12) [LËK YAM] Thɔ̈ɔ̈ŋë yic da! Yekoba—ke ye dupiöny töŋdït ŋic ë pinynɔm ëbën, acï ɣok cɔɔl buk kɔc kɔ̈k ya lɔ piɔ̈ɔ̈c ë yith ke Baibol ë biäkde! Kuat ë lon cïï Yekoba yiëk ɣok bïï ɣok kɔc kɔ̈k ya lɔ piɔ̈ɔ̈c ë biäkde cït man, bɛ̈ɛ̈i yiic, akutnɔmic, awu ë lon ë piööcic, athiɛɛidïït thiekic cïn kë thöŋ ke yen, ku ee londïït thiekic wïcku buk tääu ë ɣonïïm buk looi. Ye këdï bïï ɣok ye lëu ë luɔi?

Dhuŋnɔm ee thiëc kënë, atɔ̈u ë wël cïï Dutuc Paulo ke lueel ë buŋ ë Timotheo: “lɔ tueŋ ke yï cök kuɛ̈ndu, piööcdu, ku kueerdun ee yïn kɔc dɛɛt puɔ̈th piny bï piath.” [NWT] Ku ben Paulo lueel: “Tën ee yïn e looi wuya [këya], ke yïn bï rɔt kony ku kony kɔc ee käku piŋ ayadäŋ.” (1 Tim. 4:13, 16) Lon ë piööc cïï Yekoba gäm ɣook kënë, alëu bï kɔc kony wëi të ye ɣok keek lɔ piɔ̈ɔ̈c. Ka yen, ee kë thiekic apɛi ba piööcdu ku kuɛ̈ndu ŋiɛc cɔ̈kpiny bï piath. Athörthiin ë piööc kënë, acï guiir bï yïn kuɔny ba kuɛ̈ndu ku piööcdu cɔ̈kpiny bï piath. Tïŋ, ye kä kou tɔ̈u athörthiin kënë yic.

Yekoba ee yen ‘week wɛ̈ɛ̈t.’ (Yith. 30:20) Na cɔk anɔn Bïï athörthiin kënë yïn kuɔny bï piööcdu ku kuɛ̈ndu cɔ̈kpiny bï piath, ke yï duk nɔm kɔŋ määr nɔn ë bïï ee wëlkä tënë Yekoba, ku ee yen ë kɔc cuöt ye lɔ̈ɔ̈m. (Jɔn 6:44) Ka yen, ye Yekoba lɔ̈ŋ ë dhaman thok ëbën, bï yï yiëk wëidït ɣer. Ye wɛ̈t ë Nhialic luɔ̈ɔ̈i ë dhaman thok ëbën. Kuɔny kɔc bïk ŋic nɔn yen Yekoba yen piööc keek ku acie yïn. Kuɔny kɔc piŋ yïn bïk nhiëërden nhiɛɛr keek Yekoba juak nyin bï dït.

Yïn cïï Yekoba thieekic bï yï gäm lon ë piööcdïït thiekic cïn kë thöŋ ke yen. Ayeku ŋɔ̈ɔ̈th të le yïn tueŋ ke yï loi ë lon kënë “riɛl cïï Nhialic yiën yïn,” ke yïn bï tiam.—1 Pet. 4:11.

Kɔc ye week ke piööc ëtök,

Akut ë Röördït Wat Akutdïït ë Ciëëtke Yekoba Nɔm