PIÖÖC 02
Baibol ee Kɔc Yiëk Ŋɔ̈th
Kɔc ke pinynɔm aa nɔŋ käriil jɔ̈ɔ̈r keek käk ke cɔl ariääk piɔ̈ɔ̈th, ku yeke yiëk diɛɛr, ku jɔl arɛɛm. Nɔŋ käriliic cï rɔ̈t kaŋ looi ë pïïrdu yic cït käk kä? Tɛkdäŋ ke yïn mam ë wɛ̈t ë tuany awu ë wɛ̈t cïï raandun nhiaar thou. Yïn lëu ba rot thiëëc, nadɛ̈ bï piir rot waar bï bɛ piath? Baibol ee thiëc kënë ŋiɛc dhuknɔm.
1. Ye këdï ye Baibol ŋɔ̈th gam?
Baibol acie ɣok lɛ̈k wɛ̈t cï pinynɔm thiaŋ ë kä dhal ɣok ë rot, yen aya, ë ɣo lɛ̈k thoŋ piɛth nɔn nadɛ̈ ke kä jɔ̈ɔ̈r ɣook dhaman den aciekic ku aabï guɔ jäl. Thɔ̈n tɔ̈u ë Baibolic “aayï lɛ̈k aköl piɛɛth bɔ̈ tueŋ ku jɔl ya ŋɔ̈th.” (Kuen Jeremia 29:11, 12. NWT) Ë thɔ̈nkä aa ɣok kuɔny buk lɔ tueŋ ke kä kuɔn jɔ̈ɔ̈r ɣok yeköölë, ku yeku pïïr ŋiɛc tïŋ, ku yökku miɛtpuɔ̈u cie thök.
2. Ye pïïr bɔ̈ yïndï ye Baibol lueel?
Baibol ee jam ë pïïr bɔ̈ tueŋ nɔn cïï “thuɔɔu bï bɛ nu (tɔ̈u), ayï jiɛth ë piɔ̈u, ku dhiëëu, ku arɛɛm, acïkï bï bɛ nu (tɔ̈u).” (Kuen Nyuuth 21:4.) Kärïïl ye ɣo yök ë pïïrda yic yeköölë ë raan cɔl apɛ̈l ye puɔ̈u wei—cït man ŋɔ̈ɔ̈ŋ, ku yaaŋ ë röt, tuany ku jɔl ya thuɔɔu—aacï bï bɛ tɔ̈u. Acïï Baibol thɔn nɔn nadɛ̈ ke mɛnh ë raan abï pïïr ke mïtpuɔ̈u athɛɛr paraditho yic ë pinynɔm.
3. Ye këdï lëu bïï yïn gämdu cɔl aril ë ŋɔ̈th ye Baibol yiëk yïn yic?
Kɔc juëc aa ŋɔ̈th nɔn bïï käpiɛth rɔ̈t looi, ku acïk kë ŋic apiɛth nɔn bïï ŋɔ̈thden rot dhiɛl tiɛɛŋ thïn. Kë ye Baibol thɔn awääc ke kënë. Ɣok alëu buk gämda cɔl arïl ë kë ye Baibol lueel ë kuer “bïï ɣook wɛ̈t ë Nhialic ya kueen akölaköl.” (Luɔi de Tuuc 17:11, LEK YAM) Tɛ̈ piööc yïn Baibol, ka ba jäl takic nɔn bïï yïn kë ye Baibol lueel gam ë biäk e pïïr bɔ̈ tueŋ.
YÄP DÏT
Tïŋ kä bï rɔ̈t looi cïï Baibol ke thɔn ë pïïr bɔ̈ yic. Tïŋ të ye ŋɔ̈th ye Baibol gam kɔc kuɔny yeköölë.
4. Baibol ee ŋɔ̈th ë pïïr athɛɛr gaam nɔn bïï kɔc pïïr ke cïn kë dak ë ke gup
Tïŋ thön kä rëër ë Baibolic. Ye thön köu keek ë yï miɛtpuɔ̈u ku ye wɛ̈tŋö?
Kuen cök cï ke gɔ̈t ke thiäk ke thön kä ku tïŋ thiëc kä:
-
Ye takic nɔn nadɛ̈ ke cök kä alëu bïk yïn yiëk ŋɔ̈th? Lëu bïk ŋɔ̈th gäm kɔc paandun ku mäthku?
Thɔ̈ɔ̈ŋë yic ba tɔ̈u piny wën
|
CÏN RAAN BÏ . . . |
RAAN ËBËN . . . |
|---|---|
|
|
|
|
|
|
|
|
|
|
5. Ŋɔ̈th ë Baibol acïn kë lëu bï thöŋ ke yen
Kɔc juëc apɛi aacï ke piɔ̈ɔ̈th pälwei ë wɛ̈t kärɛc ye kë tïŋ ke looi kɔc kɔ̈k keek ë ke lɔ̈ɔ̈m. Kɔc kɔ̈k aye kë them bïk thɔ̈r bïk käŋ waar bïk piath. Tïŋ të ye thɔ̈n rëër ë Baibolic nɔn nadɛ̈ ke käŋ aabï piath kɔc kuɔny yeköölë. Puɔl ë BIDEO, ku jalkë thiëc bɔ̈ jäämiic.
-
Ë bideo yic, ye yaaŋ nö cïï Rapika maan?
-
Na cɔk anɔn ë ken yaaŋ cïï Rapika tïŋ jääl, ye Këdï cïï Baibol yen kuɔny?
Ŋɔ̈th ye Baibol gäm ɣok ë wɛ̈t pïïr piɛth bɔ̈ tueŋ alëu bï ɣo kony buk ɣopiɔ̈ɔ̈th cïï pëlwei ku lok ku tueŋ ke kä kuɔn jɔ̈ɔ̈r ɣok ke cïn däk. Kuen Kɛ̈ŋ 17:22; Romai 12:12, ku jalkë thiëc kä jäämiic:
-
Ye takic nɔn nadɛ̈ ke ŋɔ̈th ye Baibol lueel alëu bï pïïrdu waaric ë mannë? Ku ye wɛ̈tŋö?
AYE KƆC KƆ̈K LUEEL: “Athɔ̈n rëër ë Baibolic wɛ̈t pïïr piɛɛth bɔ̈ tueŋ aacïï bï ya yïïth.”
-
Ye wɛ̈tŋö ye yïn ye takic ke ye kë thiekic apɛi ba yïc ŋic?
JAM CIEKIC
Baibol ee ɣo gäm ŋɔ̈th ku kony ɣok buk lɔ tueŋ ke käkuɔn ë ɣo dhal ë wɛ̈t thɔ̈n pïïr piɛth bɔ̈ tueŋ cï thiäŋ ke miɛtpuɔ̈u.
Bëër Yic
-
Ye wɛ̈tŋö wïc kɔc ŋɔ̈th?
-
Yeŋö ye Baibol lueel ë wɛ̈t ë pïïr bɔ̈ tueŋ?
-
Ye Këdï bï ŋɔ̈thdun pïïr piɛɛth bɔ̈ tueŋ yïn kuɔny ë mannë?
YƆ̈P WËL JUËC KƆ̈K
Ŋic käjuëc ë biäk ë rïɛldit ë ŋɔ̈th.
“Ŋɔ̈th—Ye Tenö Lëu Bïï Yïn Ye Yök Thïn?” (Awake! Pɛɛi ë Ŋuan 22, 2004)
Yök të ye ŋɔ̈th ë pïïr piɛɛth bɔ̈ tueŋ kɔc kɔ̈k kuɔny bïk lɔ tueŋ na cɔk anɔn tuɛny keek ë tuany bääric.
“Tuany Bääric—Lëu Bï Baibol Yï Kuɔny?” (Awereŋ tɔu ë netic)
Tɛ̈ ɣoi yïn bideo kënë, tïŋ rot wek kɔc ke panduön ke we rëër ke we mitpiɔ̈ɔ̈th ë wɛ̈t athɔ̈n piɛɛth cïï Baibol lueel ke bï bɛ̈n tueŋ paraditho yic ë pinynɔm.
Kuen ye këdï cïï raan ë jam ë yiith ke kɔc kɔ̈k cïï pïïrden rɔ̈t geer wään cïï yen kë ye Baibol lueel ë wɛ̈t ŋɔ̈th ë pïïr bɔ̈ tueŋ.
“Ɣɛn Acie Röt Bɛn Yök ke ɣa bï Pinynɔm Geer” (The Watchtower, Pɛɛi ë Dhorou 1, 2013)
