PIÖÖC 03
Lëu Ba Këye Baibol Lueel Gam?
Baibol anɔŋic thɔ̈n juëc ku ke ɣok yiëk wëët piɛth. Tɛkdäŋ kë ye Baibol lueel awïc ba ŋic, ku tɛkdäŋ yïn diɛɛr. Lëu ba wëët ku jɔl ya thɔ̈n tënë aa athör thɛɛr kënë gam? Lëu ba gam këye Baibol lueel ë biäk ë miɛt piɔ̈ndu yeköölë ku jɔl ya pïïr piɛɛth bï bën tueŋ? Aye kɔc juëc gam. Tïŋku nɔn bïï yïn puɔ̈u miɛt aya.
1. Ye Baibol athör ë jam yiith awu kä yeke thɔ̈ɔ̈ŋiic?
Baibol ee jam nɔn ë yen athör cïï “yiith lɔcök gät thïn.” (Wɛ̈ɛ̈t cï Määtic 12:10, NWT) Ee jam ë käk ë yiith cï rɔ̈t looi ku jɔl ya kɔc ë yiith. (Kuen Luk 1:3; 3:1, 2.) Kɔc ë ke gɛ̈t kä cï rɔ̈t looi acïk yök nɔn nadɛ̈ ke Baibol ee jam ë yiith lɔcök cit man ë biäk ë kööl ë looi këdäŋ rot, kɔc, tënë ë looi këdäŋ rot thïn, ku kä cï rɔ̈t looi ë Baibolic.
2. Ye wɛ̈tŋö cïï ɣok ye lëu buk lueel nɔn ye Baibol buŋ thɛɛr?
Ë kuɛɛr juëc yiic, Baibol ee jam ë kä cïn kɔc cï ke guɔ ŋic. Cit man, ë biäk ë käk ke kɔc cï piöc apɛi. Käjuëc ë ke cïï Baibol ke lueel ë biäk ë kɔc cï piöc apɛi aa ke nɔŋiic jamdït. Ë yeköölë, kɔcke kɔc cï piöc apɛi acïk yök nɔn nadɛ̈ këye Baibol lueel ee yiny lɔcök. Aa “tɔ̈u tëden, aa lëu bïk ɣok kuɔny yeköölë ku aɣet athɛɛr.”—Diɛt 111:8, NWT.
3. Ye wɛ̈tŋö lëu bïï Ɣok këye Baibol lueel ë biäk ë pïïr bï bën tueŋ gam?
Baibol ee jam ë wël bï rɔ̈t tiɛŋ tëden a “keke ŋoot ke kën guɔ tïc.” (Yithaya 46:10, NWT) Ee käjuëc bï rɔ̈t looi lueel keke kën rɔ̈t guɔ looi. Baibol ee Ɣok lɛ̈k kä looi rɔ̈t ë pinynɔm ëbën yeköölë ee dhaman dan kënë yic. Në ye piööc kënë yic, Ɣok aabï kɔ̈k cïï Baibol ke lueel bï rɔ̈t tiɛŋ thïn tïŋ. Të cï keek rɔ̈t bën tiɛŋ thïn ee kɔc gɔ̈i!
YÄP DÏT
Tïŋ të ye kɔc cï piöc apɛi mat ke këye Baibol lueel yeköölë, ku kuen wël liik cïï Baibol ke lueel bï rɔ̈t tiɛŋ tëden.
4. Kɔc cï piöc apɛi aa mat ke këye Baibol lueel
Ɣɔn thɛɛr wään, kɔc juëc ayekë gam nɔn nadɛ̈ ke pinynɔm anɔŋ kë Ɣëëc yen. Puɔl ë BIDEO.
Tïŋ kë cï gɔ̈ɔ̈r ë buŋ ë Jopic ë run 3,500 wään thɛɛr cï lɔ. Kuen Jop 26:7, ku jalkë thiëc kënë jäämic:
-
Ye wɛ̈tŋö ye kë cï lueel pinynɔm “acïn kë ɣëëc yen” ɣok gɔ̈i?
Acïï ŋic agut ruɔ̈ɔ̈n 1800 ee yen cïï kuer ye pïïu ciɛɛth thïn jä bën deetic. Ku kënë, acïï Baibol lueel ë run juëc wään cï lɔ. Kuen Jop 36:27, 28, ku jalkë thiëc kä jäämiic:
-
Ye wɛ̈tŋö ye kuer thiin ye pïïu ciɛɛth thïn kënë kë dik apɛɛi?
-
Nadɛ̈ ke cök ca keek kuen kä gäämdu cɔl ril ë Baibolic?
5. Baibol ee cï jam ë kä thiekiic bï rɔ̈t looi
Kuen Yithaya 44:27–45:2, ku jalkë thiëc kënë jäämic:
-
Ye yiith kou ke cïï Baibol ke lueel run 200 thɛɛr wään ci lɔ ke paan ë Babilon kën guɔ rac?
Anyikööl ayekë nyuɔɔth nɔn nadɛ̈ melik Cyrus ë paan ë Persia ku jeenyde aacï paan ë Babilon bën dom ë run 539 B.C.E. b Aa ke cï pïïu wään ë paan ë Babilon gël bën wɛrwei. Wën cïï keek lɔ ë bap thok wään cï nyääŋ piny ke Ɣɔ̈r, goki dom ke cïn tɔŋ. Në yeköölë, ë run 2,500 wään cï lɔ, Babilon aŋoot ke rëër ke cï riääk. Tïŋ kën ë cïï Baibol lueel.
Kuen Yithaya 13:19, 20, ku jalkë thiëc kënë jäämic:
-
Ye këdï cïï kë cï rot luöi paan ë Babilon ye jäl nyuɔɔth nɔn nadɛ̈ kë cïï Baibol lueel ee rot tiɛŋ tëde?
Babilon wään cï rac ee athiak keke paan Iraq ë köölë
6. Baibol ee cï jam kä yeku keek tïŋ ke looi röt yeköölë
Baibol ee dhaman dan kënë cɔɔl “nïïn ke thök.” (2 Timotheo 3:1) Tïŋ kë cïï Baibol lueel ë biäk ye dhaman dan kënë.
Kuen Mathayo 24:6, 7, ku jalkë thiëc kënë jäämic:
-
Ye ciɛɛŋ yïndï ë cïï Baibol lueel bïï kɔc tɔ̈u thïn ë kööl ë thök nïïn?
Kuen 2 Timotheo 3:1-5, ku jalkë thiëc kä jäämiic:
-
Ye kä yïndï ye kɔc ke looi yeköölë ke cïï Baibol ke lueel bïk rɔ̈t looi ë kööl ë thök nïïn?
-
Ye käŋö ca keek tïŋ keke ye kɔc ke looi yeköölë?
AYE KƆC KƆ̈K LUEEL: “Baibol ee buŋ ë jam anyikööl thɛɛr ë lueeth.”
-
Täŋdu yic, ye këril ŋö ye nyuɔɔth tënë yïn nɔn nadɛ̈ ke Baibol ee jam ë yiith?
JAM CIEKIC
Anyikööl, kɔc cï piöc apɛi, ku jɔl ya wël cï keek lueel ë Baibolic bï rɔ̈t tiɛŋ, aaye nyuɔɔth nɔn nadɛ̈ ke Baibol alëu ba gam.
Bëër Yic
-
Ye Baibol buŋ jam ë yiith awu ye kä ye keek thɔ̈ɔ̈ŋiic?
-
Ye ɣɔ̈n kɔ̈k kou ye kɔc cï piöc apɛi mat ke Baibol?
-
Ye takic nɔn nadɛ̈ ke Baibol ee jam ë pïïr bɔ̈ tueŋ? Ye wɛ̈tŋö? Awu ye wɛ̈tŋö cien yen?
YƆ̈P WËL JUËC KƆ̈K
Nɔŋ käk kɔc cï piöc apɛi cïï Baibol ke lueel ë lueeth?
Ye yiith kou ë biäk “kööl ë thök nïïn” tɔ̈u ë Baibolic?
Piɔ̈ɔ̈cë të cïï kä cï gɔ̈ɔ̈r ë Baibolic ë biäk akuma ë paan e Greek rot tiɛŋ thïn.
“Wël cï ke Lueel bï Röt Tieŋ Tëden” Aa Kɔc Cɔl Ril Piɔ̈ɔ̈th (5:22)
Yök të cïï kä cïi Baibol ke lueel bï röt tieŋ thïn cïï keek të ye mony tök Baibol tiëŋ thïn waaric.
“Tënë Ɣen, Nhialic aa cä Tïŋ ke Tɔ̈u” (The Watchtower No. 5 2017)
