PIÖÖC 01

Ye Këdï lëu bïï Baibol yïn kuɔny?

PLAY

Ɣok ëbën ɣok nɔŋ thiëc ë biäk de pïïr, mɛɛm, ku thuɔɔu, ku jɔl ya pïïr bï bën tueŋ. Ɣok aya ɣok aa diɛɛr ë käk ë röt luɔ̈i ɣok ë kööl thok ëbɛ̈n, cït man të bïï ɣok ya pïïr thïn awu miɛt ë puɔ̈u ë paanda. Kɔc juëc aacïï Baibol keek kuɔny bï thiëcken dhuknïïm ku yiën keek wëët piɛɛth ë pïïr ë köölthok ëbën aya. Ye takic ke nɔŋ raan ŋic lëu bïï piööc de Baibol kuɔny?

1. Ye thiëc kou ye Baibol ke dhuknïïm?

Baibol ee thiëc thiekiic kä dhuknïïm: Ye Këdï ë jɔɔk ë piny ye cöök? Ye wɛ̈tŋö tɔ̈u ɣok ë tënë? Ye wɛ̈tŋö ye kɔc cïn gup awɛ̈ɛ̈c mam? Yeŋö rot looi të cïï raan thou? Na wïc raan ëbën dɔ̈ɔ̈r, ke ye wɛ̈tŋö ye tɔŋ tɔɔŋ juëc? Yeŋö bï rot luöi pinynɔm ë kööl bï bɛ̈n tueŋ? Baibol ee ɣok dɛɛt pïɔ̈ɔ̈th buk dhuknɔm ë thiëc kä ya kɔɔr, ku raan malliön acï dhuknɔm ë thiëc kä yök keke cïï piɔ̈ɔ̈th dak.

2. Ye Këdï lëu bïï Baibol ɣok kuɔny buk rëër ke ɣok mit piɔ̈ɔ̈th ë pïïrda yic ëbën?

Baibol ee ɣok yiën wëët piɛth. Cït man, ee kɔc baai piɔ̈ɔ̈c ye Këdï bïï keek miɛt ë puɔ̈u yic yök. Ee ɣok wɛ̈ɛ̈t ye Këdï bïï ɣok ya lɔ tueŋ ke ɣo cie diɛɛr ku ye Këdï bïï ɣok ya luui ke ɣo mitpiɔ̈ɔ̈th. Aba ŋic yeŋö ye Baibol piɔ̈ɔ̈c ë wɛ̈t ee käk kä ku kä juëc kɔ̈k ke ɣo jiɛ̈ɛ̈m athör kënë yic ëtök. Aba dhiɛl gam nɔn nadɛ̈ “kë cï gɔ̈ɔ̈r ëbɛ̈n . . . ade naamde në këde wëët (awu ee ɣook kuɔny).”—2 Timotheo 3:16.

Athör kënë acie Baibol ë waar. Ee wɛ̈t, bïï yïn dɛɛt puɔ̈u ku ba Baibol ya kuen yïtök. Ka yen, yïn yeku yɔ̈ɔ̈k ba cök ke Baibol tɔ̈u në ya athör kënë yic ya kuen ku thɔ̈ɔ̈ŋë keek ke këdun piɔ̈ɔ̈cë.

YÄP DÏT

Tïŋ të cïï Baibol kɔc kɔ̈k kuɔny, ku të bïï yïn ye ya kueen ke yï mitpuɔ̈u, ku këpiɛɛth en bï yï kuɔny ku ba deetic.

3. Baibol alëu bï ɣok nyuööth

Baibol acït nuurdïït ë ruɛl apɛi. Ɣok alëu buk Baibol luöï bï ɣok nyuööth të bïï ɣok ya tak ku kony ɣok buk kë tɔ̈u ë wonïïm tueŋ tïŋ.

Kuen Diɛt 119:105, ku jalkë thiëc kä jäämiic:

Ye kuer no cïï raan ë gɛ̈t buŋ ë diɛt kënë Baibol tiɛ̈ŋ thïn?
Ye Baibol tïŋ këdï?

4. Baibol alëu bïï thiëckuɔ dhuknïïm

Tiiŋ tök acï yök nɔn cïï Baibol yen kuɔny bïï thiëc ke dhal yen ë run juëc dhuknïïm. Puɔl ë BIDEO, ku jalkë thiëc bɔ̈ jäämiic.

BIDEO: Duk Puɔ̈u Go Dak! (1:48)

Ë bideo yic, ye thiëc kou ë ke tɔ̈u keke tiiŋ kënë?
Ye Këdï cïï kuënden ë Baibol yen kuɔny?

Baibol ee ɣok dɛɛt piɔ̈ɔ̈th buk ya thiëc. Kuen Mathayo 7:7, ku jalkë kä jäämiic:

Ye thiëc kou tɔ̈u ke yïn lëu bïï Baibol ke dhuknïïm?

5. Yïn lëu ba puɔ̈u miɛt të kuen yïn ë Baibol

Kɔc juëc aa piɔ̈ɔ̈th miɛt të kuen keek Baibol ku ee keek kuɔny apɛi. Puɔl ë BIDEO, ku jalkë thiëc bɔ̈ jäämiic.

BIDEO: Kuën ë Baibol (2:05)

Ë Bideo yic, ye kɔcthii kuën athɔ̈ɔ̈r kɔ̈k yök ke yïndï?
Ye Këdï cïï keek kuën ë Baibol yök ke wääc ke kuën athɔ̈ɔ̈r kɔ̈k?

Baibol ee jam bï ɣok yiëk wëët piɛɛth ë ɣook dɛɛt piɔ̈ɔ̈th ku jɔl ya ŋɔ̈th. Kuen Romai 15:4, ku jälkë thiëc kënë jäämic:

Nadɛ̈ nhiaar athɔ̈n ë muŋdepiɔ̈u ku jɔl ya ŋɔ̈th cïï Baibol ke lueel?

6. Kɔc kɔ̈k alëu bïk ɣok kuɔny buk Baibol deetic

Ë kuënden ë Baibolic kapäc, kɔc juëc acïk yök nɔn jiɛ̈ɛ̈m ye keek Baibol jäämic ke kɔc kɔ̈k ee keek kuɔny. Kuen Luɔi de Tuuc 8:26-31, ku jalkë thiëc kënë jäämic: