PIÖÖC 05

Baibol ee Jam ë Nhialic Tënë Ɣok

PLAY

Yekoba acï Ɣok yiëk miɔc dik apɛi—buök kä 66 cï keek määtiic bïk ya athör tök, Baibol. Ku yïn lëu ba gäi: ‘Ye tënö ë bïï ë Baibol thïn? Yeŋa ë gät yen?’ Ku buk thiëc kä dhuknïïm, ku jɔlku jäämic ye këdï ë bïï ë wɛ̈t de Nhialic tënë Ɣok.

1. Ku na ye kɔc keek ke gɔ̈t Baibol, ye këdï ye Baibol wɛ̈t ë Nhialic?

Baibol aa gɛɛt raan 40 kë cït ruun 1,600, jɔk cök ë run 1513 B.C.E. agut cï ruɔ̈ɔ̈n 98 C.E. ku dugɛ̈ɛ̈r aa ke bɔ̈ ë Ɣɔ̈n wääciic. Ku däŋ aya, cök ke Baibol ëbën aa mat. Ye kënë rot lëu këdï? Ee rot lëu wɛ̈tŋö raan ë gɛ̈t Baibol ee Nhialic. (Kuen 1 Thethalonikei 2:13.) Dugɛ̈ɛ̈r acie tɛ̈ktɛ̈k den yen cïk gɔ̈t. Keek, aacï “jam guiir të ye wëidït ɣer ke kuaath.” a (2 Petero 1:21) Nhialic acï wëi ken dït Ɣer gäm kɔc, bï keek kuɔny, ku bïk wëlke gɔ̈t.—2 Timotheo 3:16.

2. Yeŋa yen lëu bï Baibol yök?

“Kɔc ceŋ tiɔp nom ëbɛ̈n ku dhiën ku thook ëbɛ̈n kënë juɔ̈ɔ̈r ëbɛ̈n” aalëu bïk kuɔny yök tënë wëlpiɛɛth tɔ̈u ë Baibolic. (Kuen Nyuuth 14:6. LEKJOT) Acïï Nhialic guiir ku bï Baibol tɔ̈u ë thook juëëciic ëbën, acïn buŋ wär yen ë athöör cï keek gɔ̈t yiic ëbën. Kuat raan ëbën adu nɔm naŋ Baibol. Ku kënë ee yic cɔk anɔn rëër kɔc ë Ɣɔ̈n cïï thöŋ awu yekë jam ë thook wääc.

3. Ye këdï cïï Yekoba Baibol gël bi cïï riääk?

Baibol ee cï gɔ̈t ë kä wën lëu bïk guɔ riääk, cït man ë biɔ̈ɔ̈k ku aguöt. Ku kɔc ke nhiaar Baibol acïk bën ŋiɛc ya gɔ̈t ku ben ke gɔ̈t ë ke ciin. Acɔk anɔn cïï kɔc nɔŋ riɛl ye them bïk Baibol riɔ̈ɔ̈k, kɔc kɔ̈k acï pïïrden bën ya gam bïk gël bï cïï rɛc. Yekoba acïn kë cï puɔ̈l bï yen gël bï cïï jam ke Ɣok. Aye Baibol lueel: “Ku wëlke Nhialicda atɔ̈u aƔet athɛɛr.”—Yithaya 40:8.

YÄP DÏT

Piɔ̈ɔ̈cë käjuëc ë biäk cïï Nhialic kɔc yiëk wëidït Ɣer bïk Baibol gɔ̈t, të cïï yen ye gɛ̈l thïn, ku të cïï yen ye tɛk piny bï tɔ̈u tënë mɛnh ë raan.

4. Baibol ee raan ë gɛt yen nyuɔɔth

Puɔl ë BIDEO. Ku kuen 2 Timotheo 3:16, ku jalkë thiëc bɔ̈ jäämiic.

BIDEO: Yeŋa ë Gɛ̈t Baibol?—Baŋ ë Bideo (2:48)

Na ye kɔc keek ë ke gɛ̈t Baibol, ye wɛ̈tŋö ee ye cɔɔl wɛ̈t ë Nhialic?
Nadɛ̈ ye gam Nhialic alëu bï wëlke yiëk mɛnh ë raan bïke gät piny?

Raan ë wël gät piny alëu bï awerek gɔ̈t, ku wël aa bën tënë raan ë ye lɛ̈k yen. Ke yen tëde aya, mɛnh ë raan acï Baibol gɔ̈t, ku wël aake bɔ̈ tënë Nhialic.

5. Baibol acï poth tënë kɔc ke kɔɔr yen bïk rac

Na bɔ̈ Baibol tënë Nhailic, ka yeku ŋɔ̈ɔ̈th abï gël. Run juëc yiic, kɔc ril apɛi acïk them bïk Baibol riɔ̈ɔ̈k. Bäny ke kanithai acik them bïk Baibol thiaan. Ku cɔk anɔn cïï kɔc jai ku ye kɔc nɔ̈k ë wɛ̈tde, kɔc juëc aacï pïïrden bën gam bïk Baibol gɛ̈l Puɔl ë BIDEO, ku jalkë thiëc bɔ̈ jäämiic.