PIÖÖC 06
Pïïr ë Jɔk ye Cöök Këdï?
‘Nhialic ee yen tënë ë bïï pïïr thïn.’ (Diɛt 36:9) Nadɛ̈ ye gam yen kënë? Aye kɔc kɔ̈k takic pïïr ee bɔ̈ ë rot, acïn kën ë cak yen. Ku na ye kënë yic, ke ɣok aa tɔ̈u ke cïn raan cï ɣo cak. Ku na ye Yekoba Nhialic yen ë cak pïïr, ke pïïr anɔŋ wɛ̈tde yic, cie yen tëde? a Tïŋ ke ye Baibol lueel ë biäk tënë bïï pïïr thïn ku tïŋ ye wɛ̈tŋö bïï ɣok kënë ya gam.
1. Pinynɔm ë jɔk ye cöök këdï?
Aye Baibol lueel: “Të ɣɔn thɛɛr gɔc ë käŋ Nhialic acï nhial ku piny cak.” (Cäk 1:1, NWT) Kɔc juëc ke kɔc cï piöc apɛi aye kë gam nɔn nadɛ̈ ke pinynɔm anɔŋ tën ë jɔk yen ye cök thïn. Ye këdï ë ciɛk Nhialic pinynɔm? Acï “riɛlde”luöi—wëidït ɣer—bï këriëëc ëbën cak, agut cï akut kuɛɛl, kuɛɛl, ku ɣɔ̈n kɔ̈k cït pinynɔm.—Cäk 1:2.
2. Ye wɛ̈tŋö ë ciɛk Nhialic pinynɔm?
Yekoba “akën (pinynɔm) looi ke ye kë cï riääk cïn yic kɔc, aa looi ke ye të bïï kɔc cieŋ thïn.” (Yithaya 45:18) Acï pinynɔm cak ke ye paan piɛɛth bï mɛnh ë raan ya rëër thïn. (Kuen Yithaya 40:28; 42:5.) Aye Kɔc cï piöc apɛi nyuɔɔth pinynɔm acïn tɛ̈ thöŋ ke yen. Ee yen tɛ̈ töŋ ŋic ke lëu bïï mɛnh ë raan pïïr thïn.
3. Yeŋö mɛnh ë raan cɔl awääc keke lääi?
Wään cï yen pinynɔm cak, Yekoba acï pïïr cak thïn. Tueŋ, acï pinynɔm kɔŋ thiööŋ ë tiim ku jɔl ya lääi. Na wën, “Go Nhialic raan cak ke thöŋ rɔt.” (Kuen Cäk 1:27.) Yeŋö mɛnh ë raan cɔl awääc ke kä cï keek cak ëbën? Wɛ̈t cïï Nhialic ɣok cak ke ɣo thöŋ keke yen, alëuku buk nɔŋ kïïtke cït man nhiëër, ku luŋ lacök. Acï ɣok cak ku gɛ̈m ɣok riɛl buk ya piöc ë thook kɔ̈k, ku nhiaarku kä cï thur, ku ye madhïïka ɣok miɛtpiɔ̈ɔ̈th. Ku cukku thöŋ keke lääi kɔ̈k, ɣok alëu buk aciëŋda ya door.
YÄP DÏT
Tïŋ yiith ye nyuɔɔth nɔn nadɛ̈ ke pïïr ee cak ku nɔn nadɛ̈ këye Baibol lueel ë biäk kä cï keek cak alëu buk gam. Piɔ̈ɔ̈cë këye kït tɔ̈u ke mɛnh ë raan piɔ̈ɔ̈c ɣok ë biäk ë Nhialic.
4. Pïir ee cak
Mɛnh ë raan aye leec tënë kä cï keek looi tɛ̈ kïit yen kä cï keek cak. Yeŋa bï yiëk alɛɛc ë wɛ̈t tën ë bïï keek thïn? Puɔl ë BIDEO, ku jalkë thiëc bɔ̈ jäämic.
-
Yeŋö cï mɛnh ë raan kiët tënë kä cï keek cak?
Kuat ë ɣöt ëbën anɔŋ raan ë looi yen. Yeŋa ë looi kä cï keek cak? Kuen Ɣeberuu 3:4, ku jalkë thiëc kä jaamiic:
-
Ye këno yï gɔ̈i ë kä cï keek cakiic ëbën?
-
Lëu rot bï ya yic buk gam nɔn nadɛ̈ ke pinynɔm ku kä cï keek cak thïn ëbën aake cak keek? Ku ye wɛ̈tŋö?
Nadɛ̈ ŋic?
Yïn lëu bä awereek ku Bideoth yök ë biäk ye kënë kuer dan jw.org wën jam “Nɔŋ kën ë cak yen?” ku “Tɛ̈ ye kɔc tiëŋ tënë ë bïï pïïr thïn.”
“Yic pacɔ̈k, kuat ɣöt ëbën anɔŋ raan ë looi yen, ku raan ë looi këriëëc ëbën ee Nhialic”
5. Këye Baibol lueel ë biäk cäk alëu bï gam
Ë buŋ ë Cäk cökdït 1, Baibol ee jam ë lon ë bïï pinynɔm ku jɔl ya pïïr tɔ̈u thïn. Lëu bä kënë gam, awu ye këye thɔ̈ɔ̈ŋic? Puɔl ë BIDEO, ku jalkë thiëc bɔ̈ jaamiic.
-
Nadɛ̈ ye Baibol piɔ̈ɔ̈c nɔn nadɛ̈ ke pinynɔm ku pïïr tɔ̈u thïn aake cak keek ë nïïn kädheteem kööl tökic?
-
Nadɛ̈ ye takic këye Baibol lueel ë biäk ë cäk ee yic ku alëu ba gam? Ye wɛ̈tŋö, awu ye wɛ̈tŋö cien yen?
Kuen Cäk 1:1, ku jalkë thiëc kënë jäämic:
-
Kɔc cï piöc apɛi aye kë lueel pinynɔm anɔŋ jɔk cöökde. Ye këdï ye këden cïk lueel thöŋ kek këye Baibol lueel?
Kɔc kɔ̈k aa gäi nɔn cï Nhialic käŋ puɔ̈l bïk rɔ̈t cak käpëëc. Kuen Cäk 1:21, 25, 27, ku jalkë thiëc kä jäämiic:
-
Nadɛ̈ ye Baibol piɔ̈ɔ̈c nɔn nadɛ̈ ke Nhialic acï pïir thiin koor cak ku jɔl puɔ̈l bï röt waar bï ya rɛ̈c, ku ben ya lɛ̈i, ku ben jal ya raan? Awu ë cï “kuat” këriëëc ëbën cak bï pïïr cï tëde? b
6. Mɛnh ë raan awääc ke kä kɔ̈k cïï Nhialic ke cak
Ɣok awääc ke kä kɔ̈k cïï Yekoba ke cak. Kuen Cäk 1:26, ku jalkë thiëc kënë jäämic:
-
Wɛ̈t cï ɣo cak ke ɣo thöŋ keke Nhialic, yeŋö ye riɛl ye ɣok nhiëër ku kuany ë nyin nyuɔɔth lɛ̈k ɣok ë biäk ë kïïtke Nhialic?
AYE KƆC KƆ̈K LUEEL: “Këye Baibol lueel ë wɛ̈t cäk ë lueth.”
-
Ye takic këdï? Ku ye wɛ̈tŋö?
JAM CIEKIC
Yekoba acï pinynɔm cak ku pïïr tɔ̈u thïn ëbën.
Bëër Yic
-
Yeŋö ye Baibol piɔ̈ɔ̈c ë biäk ë tënë ë bïï pinynɔm thïn?
-
Nadɛ̈ cï Nhialic kuat ë këriëëc pïïr puɔ̈l bï rot cak ye tök, awu ee yen ë cak keek ëbën?
-
Yeŋö cïï mɛnh ë raan ë thöŋ ke kä kɔ̈k cï keek cak?
YƆ̈P WËL JUËC KƆ̈K
Yök tɛ̈ cï kä cï ke cak guiɛɛr thïn.
“Yeŋö ye kä cï Keek Cak Piɔ̈ɔ̈c Ɣok?” (Awake!, Pɛɛi ë Dhoŋuan 2006)
Tïŋ ye këdï ye wun meth Baibol laaric tënë wënden thiin koor ë biäk kä cï keek cak.
Tïŋ nɔn ye jam käŋ aake cak röt käpëëc mat kënë Baibol.
“Nadɛ̈ cïï Nhialic guïir bï käŋ röt cak käpëëc?” (Awereŋ tɔ̈u ë Netic)
Tïŋ nɔn ye yoom ke kɔc ku lääi awu kä ye kɔc ke kɔc cï piöc apɛi ke lueel ye nyuɔɔth nɔn nadɛ̈ pïïr ee cak awu ee bɔ̈ ë rot.
Tën ë Bïï Pïïr Thïn—Thiëc Kadhïc piɛth ba ke thiëëc (athörthïï)
