Yekoba awïc yïn ba ŋic apiɛth. Ye wɛ̈tŋö? Aye ŋɔ̈ɔ̈th ŋiny bïï yïn käjuëc ŋic ë biäk ë kïïtke, kuɛɛr ke, ku jɔl ya luɔide, ka ba nhiaar ba määth wek yen. Lëu ba määth wek Yekoba? (Kuen Diɛt 25:14.) Yeŋö lëu ba looi ba määth wek Nhialic? Baibol ee thiëc kä dhuknïïm ku aye nyuɔɔth ye wɛ̈tŋö ye määthdu wek Yekoba ya ke thiekic apɛi cïn kë thöŋ keke yen.

1. Ye cöt yïndï cïï Yekoba lɛ̈k yïn?

“Yak röt cuöt Nhialic, ke abï rɔt aa cuöt week.” (Jakop 4:8) Yeŋö wɛ̈tde yic yen kënë? Yekoba acɔl yïn ba määth wek yen. Kɔc kɔ̈k aye kë yök kerilic të thööŋ keek ye yic bïk määth ke raan cïkë ë tïŋ, ku jalku Nhialic guɔ puɔ̈l. Ë wɛ̈tde yic, Baibol, Yekoba acï kërëëc ëbën nyuööth Ɣok kë lëu buk ŋic ë biäk ë kïïtke agoku röt thiääk yen. Të kueen Ɣok wɛ̈t de Nhialic ë Baibolic, ke määthda Ɣok yen ee lɔ ke jɔl dït cɔk anɔn cïï Ɣok en ë tïŋ.

2. Ye wɛ̈tŋö ye Yekoba mäth piɛth apɛi cïn raan thöŋ keke yen?

Acïn raan nhiaar yïn arëët wëër nhiëër ë Yekoba. Akɔɔr yïn ba puɔ̈u ya miɛt ku ba ya cɔɔl të wïc yïn kuɔɔny. Week lëu bäk “diɛɛrduön aa week diɛɛr ëbɛ̈n cuat yekɔ̈u, luɔi ee yen diɛɛr në këdun.” (1 Petero 5:7) Yekoba arɛ̈ɛ̈r ke bï yïn kuony, ku duut yïn puɔ̈u, ku pïïŋ tënë mäthke.​—Kuen Diɛt 94:18, 19.

3. Yeŋö ye Yekoba ŋɔ̈ɔ̈th tënë mäthke?

Yekoba anhiaar kɔc kedhie, “ku määthde ee tɔ̈u ke kɔc piɛth piɔ̈ɔ̈th.” (Kɛ̈ŋ 3:32, NWT) Yekoba aye ŋɔ̈ɔ̈th bïï mäthke ya them bïk ya luui ë kä wën ye ke tïŋ ke piɛth ku jiɛikë ke wën ye ke tïŋ kerac. Kɔc kɔ̈k aye kë yök ë ke piɔ̈ɔ̈th nɔn nadɛ̈ ke lööŋ ke Yekoba ë biäk ë kërac ku këpiɛth acïï ke lëu ë luɔi. Ku yen, Yekoba ee käŋ pälpiny. Yekoba anhiaar kɔc ë ye them bïk kën ë ye mïɛtpuɔ̈u ya looi ku aye keek gam bïk ya mäthke.​—Diɛt 147:11; Luɔi de Tuuc 10:34, 35.

 YÄP DÏT

4. AbraƔam aa ye mäth ë Yekoba

Këye Baibol lueel ë biäk AbraƔam (wään ye cɔl Abram) aye lɛ̈k Ɣok yeŋö ë wɛ̈tde yic ba ya mäth ë Nhialic. Kuën ë biäk AbraƔam ë buŋ ë Cäk 12:1-4. Ku jalkë thiëc kä jäämiic:

• Yeŋö cïï Yekoba thiëëc tënë AbraƔam bï looi?

• Yeŋö cïï Yekoba thɔn tënë AbraƔam?

• Ye këdï cïï AbraƔam kä cïï Yekoba lɛ̈k yen bën dhuknïïm?

5. Këye Yekoba thiëëc tënë mäthke

Ɣok käpiɛth dɔc ŋɔ̈ɔ̈th tënë mäthkuɔ.

• Ye käŋö ye ke nhiaar bïï mäthku ke ya luɔ̈i yïn?

Kuen 1 Jɔn 5:3, ku jalkë thiëc kënë jäämic:

• Yeŋö ye Yekoba ŋɔ̈ɔ̈th bïï mäthke ya looi?

Ku buk Yekoba theek, Ɣok wïc buk tëdan ye Ɣok rëër thïn waaric awu geerku kïïtkuɔ. Kuen Yithaya 48:17, 18, ku jalkë thiëc kënë jäämic:

• Ye wɛ̈tŋö ye Yekoba mäthke thiëëc bïk ciɛɛŋden waaric?

 6. Këye Yekoba looi tënë mäthke

 JAM CIEKIC

Yekoba awïc bï ya mäthdu, ku abï yï kony ba rot cuöt yen.

Bëër Yic

• Ye këdï ye Yekoba mäthke kony?

• Ye wɛ̈tŋö ye Yekoba mäthke lëk bïk röt waar?

• Nadɛ̈ ye takic këye Yekoba thiëc tënë mäthke arilic arëët? Ye wɛ̈tŋö, awu ye wɛ̈tŋö cien yen?