PIÖÖC 09

Thiääk Rot Yekoba ë Kuer ë Lɔ̈ŋ

PLAY

Nadɛ̈ ye yök ë yïpuɔ̈u ke nɔŋ raan bï yïn ya nyuööth ë pïïrdu yic? Nadɛ̈ nɔŋ thiëc thiekiic tɔ̈u keke yïn wïc bï keek dhuknïïm? Nadɛ̈ yïn wïc duut ë puɔ̈u? Nhiaar ë yïpuɔ̈u ba thiääk wek Yekoba? Lɔ̈ŋ alëu bï yïn kuɔny bïï käke looi kedhie tënë yïn. Ku ye këno yen kuer yic lëu bïï raan lɔ̈ŋ? Nadɛ̈ ye Nhialic lɔ̈ŋ ëbën piŋ? Yeŋö lëu ba looi ago Yekoba lɔ̈ŋdu piŋ? Tïŋ ku.

1. Yeŋa bïï Ɣok ya lɔ̈ŋ tënë yen, ku yeŋö bïï Ɣok ya lɔ̈ŋ ë biäkde?

Acïï Yecu piɔ̈c Ɣok alëu buk ya lɔ̈ŋ tënë wäädan tɔ̈u nhial yetök. Yecu ërot acï lɔ̈ŋ tënë Yekoba. Acï lueel: “Yen aa week lɔ̈ŋ (röök) wäklë: ‘Wäädan nu (tɔ̈u) paanhial. . . ’” (Mathayo 6:9) Të lɔ̈ŋ ɣok tënë Yekoba, ɣok määthda cɔl aril keke yen.

Ɣok alëu buk lɔ̈ŋ ë kuat ë kä wïcku keek ëbën. Yic pacɔ̈k, të kɔɔr ɣok Nhialic bï lɔ̈ŋda dhuknɔm, ɣok dhil ya lɔ̈ŋ të cït të wïc yen en thïn. “Kuat ë kä yeku keek thiëëc tënë yen ëbën, ku tɔ̈u ë [Nhialic] puɔ̈u, ke Ɣok piiŋ.” (1 Jɔn 5:14, NWT) Yecu acï nyuɔɔth ye käpiɛɛth ŋö buk ke ya thiëëc ë lɔ̈ŋic. (Kuen Mathayo 6:9-13.) Däŋ buk mat ë kä kuön ye ɣok ke lɔ̈ŋiic, ɣok cïï lëu buk nïïm määr buk nhialic dhuök alɛɛc ë kä piɛɛth cï ke luɔ̈i ɣok ku buk ya thiëëc aya ago kɔc kɔ̈k kuɔny.

2. Ye këdï bï Ɣok ya lɔ̈ŋ?

Baibol ee Ɣok dɛɛt piɔ̈ɔ̈th “buk kä nuan [Ɣok] ëbɛ̈n ya lɛ̈k [Nhialic].” (Diɛt 62:8) Ka yen lɔ̈ŋda akɔɔrku bï ya yic ku ye bɛ̈nbei ë ɣopiɔ̈ɔ̈th. Ɣok lëu buk lɔ̈ŋ ë röldït awu lɔ̈ŋ ku ë ɣopiɔ̈ɔ̈th ë kuat ë të cïï ɣok röt guiɛɛr thïn. Ɣok lëu buk lɔ̈ŋ ë thaa dan nhiaarku ku ë kuat të rëër ɣok thïn ëbën.

3. Ye këdï ye Nhialic lɔ̈ŋda dhuknɔm?

Yekoba ee lɔ̈ŋda dhuknɔm ë kuɛɛr juëc. Yekoba ee ɣok gäm wɛ̈tde, Baibol, ee yen të ye ɣok dhuknɔm ë thiëc kuɔ dac yök thïn. Kuën ë wɛ̈t ë Nhialic alëu “bï raan kuc käŋ [cɔl] aŋic käŋ.” (Diɛt 19:7; NWT kuen Jakop 1:5.) Nhialic alëu bï ɣok gäm dɔ̈ɔ̈r ë puɔ̈u të tɔ̈u ɣok ë kärilic yiic. Ku alëu bï kɔc ken ë yen door cɔl akony ɣok të wïc ɣok kuɔɔny.

YÄP DÏT

Tïŋ ye këdï lëu bïï yïn lɔ̈ŋ dik apɛi lɛ̈k Nhialic, ku tïŋ ye këdï lëu bïï lɔ̈ŋ yïn kuɔny.

4. Yekoba anɔŋ kuɛɛr cï ke tääu piny bïï kɔc ke ya lɔ̈ŋ

Ye käŋo ye nyuɔɔth nɔn nadɛ̈ ke lɔ̈ŋda acïï Nhialic piŋ awu akën piŋ? Puɔl ë BIDEO.

BIDEO: Nadɛ̈ ye Nhialic Kuat Lɔ̈ŋ Ëbën Piŋ?—Baŋ ë bideo (2:42)

Yekoba awïc Ɣok buk ya lɔ̈ŋ tënë yen. Kuen Diɛt 65:2, ku jalkë thiëc kä jäämiic:

Nadɛ̈ ye takic “Raan ë lɔ̈ŋ piŋ” awïc yïn ba ya lɔ̈ŋ tënë yen? Ye wɛ̈tŋö, awu ye wɛ̈tŋö cien yen?

Adhilku them buk lööŋ ke Nhialic ya theekiic të kɔɔr Ɣok yen bï lɔ̈ŋda ya piŋ. Kuen Maika 3:4 ku 1 Petero 3:12, ku jalkë thiëc kënë jäämic:

Ye këdï lëu bïï Ɣok ye ŋic nɔn nadɛ̈ ke Yekoba abï lɔ̈ŋda piŋ?

Dhaman ë tɔŋ, kɔc thär ë kaam ken ë röt aa lɔ̈ŋ kedhie bïk tiam. Nadɛ̈ ye gam Nhialic alëu bï lɔ̈ŋ kënë dhuknɔm?

5. Lɔ̈ŋda adhil bɛ̈nbei ë ɣok piɔ̈ɔ̈th

Kɔc kɔ̈k acï keek piɔ̈ɔ̈c bïk lɔ̈ŋ cï gɔt ya beeric. Nadɛ̈ yen të wïc Nhialic bïï ɣok ya lɔ̈ŋ tënë yen? Kuen Mathayo 6:7, ku jalkë thiëc kënë jäämic:

Ye këdï lëu bïï yïn ye puɔ̈l“nɔn cie yïn wɛ̈t tök bï ya beeric ku beeric” ë lɔ̈ŋdu yic?

Kööl tökic, alëu ba athiei töŋ cï Yekoba gäm yïn tak ë pïïrdu yic ku ye yïn yen dhuɔ̈k alɛɛc. Ye kënë looi ë kööl thok ëbën ë yithbuɔ yic, ku yïn lëu ba rot yök ke yïn cï lɔ̈ŋ ë käŋ kadhorou wääciic ke cïn kë ca beeric.

Wun ë mɛnh piɛth ee puɔ̈u miɛt të ye mɛnhde jam keke yen ë piɔ̈nde ëbën. Ee yen tëde aya, Yekoba akɔɔr Ɣok buk ya lɔ̈ŋ tënë yen ë piɔ̈nda ëbën

6. Lɔ̈ŋ ee miɔ̈c tënë Nhialic

Ye këdï lëu bï lɔ̈ŋ Ɣok gäm riɛl ë thaa racic ku ë thaa piɛthic? Puɔl ë BIDEO.

BIDEO: Lɔ̈ŋ ee Ɣok Kuɔny Buk Gum (1:32)

Aye Baibol thɔn nɔn nadɛ̈ ke lɔ̈ŋ alëu bï Ɣok kuɔny buk dɔ̈ɔ̈r ë puɔ̈u yic yök. Kuen Pilipoi 4:6, 7, ku jalkë thiëc kä jäämiic:

Acɔk anɔn cie lɔ̈ŋ käriil cï Ɣok yök nyai, ye këdï ye lɔ̈ŋ ɣok kuɔny?
Ye käŋö nhiaar keek lëu bï yïn ke lɔ̈ŋ ë biäk den?

Nadɛ̈ ŋic?

Wɛ̈t ye lueel “amen” wɛ̈tde yic “cɔl tɔ̈u tëde”awu “ee yen tëde.” Mïn ë dhaman thɛɛr wään ë Baibol, “amen” aye lueel bï lɔ̈ŋ thiök cök.—1 Lëk de Akööl 16:36.

7. Ye rot gäm dhaman bïï yïn ya lɔ̈ŋ

Thɛɛkɔ̈k Ɣok lëu buk luui apɛi abuk nïïm määr ë lɔ̈ŋ. Ye këdï ë thiek ë lɔ̈ŋic tënë Yecu? Kuen Mathayo 14:23 ku Mak 1:35, ku jalkë thiëc kä jäämiic: