Nadɛ̈ cï yïn kaŋ cɔl ba lɔ amat ë ciëëtke Yekoba yic? Na ŋoot ke yï kën lɔ, ke yïn lëu ba riɔ̈ɔ̈c ë biäk le yïn ë kööl tueŋ. Yïn lëu ba gäi: ‘Yeŋö ë rot looi në ya amɛtmɛɛt kä yiic? Ye wɛ̈tŋö thieek keek yiic? Ye wɛ̈tŋö ye Ɣɛn lɔ thïn?’ Në ye piööc kënë yic, aba ŋic ye këdï ye män ye yïn mat wek kɔc kɔ̈k yïn cɔl athiääk wek Nhialic ku ye këdï bïï yen yïn kuɔny ë rot.

1. Ye kë töŋ thiekic no ë Ɣok cɔl aräm buk mat?

Tïŋ ye këdï cïï raan töŋ ë kɔc ë ke gɛ̈t Baibol ye nyuɔɔth nɔn thieek en yic apɛi buk ya mat Ɣok kɔc kɔ̈k: “Akutnɔm dïtic, Ɣɛn bï Yekoba ya leec.” (Diɛt 26:12, NWT) ku ee yen tëde aya, ciëëtke Yekoba aa piɔ̈ɔ̈th miɛt apɛi të cïï keek mat kedhie. Pinynɔm ëbën, aake nïïm mat bïk Nhialic ya lɛc nɔm, ku këëtkë ë diɛt, ku lɔ̈ŋkë. Ë nïïn lik ë ruɔ̈ɔ̈nic, aake nïïm mat amɛtmɛɛt dït apɛi yiic bïk Nhialic door.

2. Yeŋö ba piɔ̈ɔ̈c amɛɛtmɛɛt kuɔ yiic?

Amɛtmɛɛt kuɔ yiic, Ɣok Ɣonïïm tääu ë wɛ̈t Nhialic yic, ‘aye laaric apiɛth ku tɛ̈ɛ̈u ë kɔc nïïm bï ŋiɛc deetic apiɛth.” (Kuen Neɣemia 8:8. NWT) Të le yïn bɛ̈n, ke yïn bï käjuëc ŋic ë biäk de Yekoba ku kïït ken dhuëëŋ apɛi. Të jɔl yïn lɔ tueŋ ke yïn ŋic käjuëc ë biäk ë nhiëërde tënë yïn, ke yïn bï jal thiök wek yen apɛi. Yïn aba yök aya ye këdï lëu bï yen yï kuɔny ba pïïr nɔŋic miɛt puɔ̈u yök.​—Yithaya 48:17, 18.

3. Ye këpiɛɛth ŋö ba yök të ye yïn määth wek kɔc kɔ̈k akutnɔmda yic?

Yekoba ee Ɣok lɛ̈k “yakë rɔ̈m ëtök ku yakë röt nyuöth nhiëër ku luɔi piɛth, duɔ̈kkë ë muɔ̈l ë rɔ̈m amɛtmɛɛtiic.” (Ɣeberuu 10:24, 25, NWT) Amɛtmɛɛt kuɔ yiic, yïn lëu ba rɔ̈m wek kɔc nhiaar kɔc apɛi ku ye kë nyiin tïït ë röt, ku thöŋkë ke yïn aya, anhiaarkë bïk käjuëc ŋic ë biäk de Nhialic. Aaba ke piŋ keke rɔm wëlpiɛɛth ke deet ë puɔ̈u ë Baibolic. (Kuen Romai 1:11, 12.) Yïn aya yïn lëu ba jam wek kɔc kɔ̈k nɔŋ käril cï keek kɔn yök kɔc cï thiëëk ku kɔc kën thiëëk ku të cïï keek ke tiaam thïn. Käk kä aa keek kadiäŋ wïc Yekoba Ɣok buk ya rɔ̈m Ɣodhie amɛtmɛɛtiic ë kööl thok ëbën!

 YÄP DÏT

4. Amɛtmɛɛt Ciëëtke Yekoba

Ruɔ̈ɔ̈n buɔt wään cï lɔ, Kërithanoi aake ye rɔ̈m ë thaa thok ëbën bïk Yekoba door. (Romai 16:3-5) Kuen Kolothai 3:16, ku jälkë thiëc kënë jäämic:

• Ye këdï ë ye kërithanoi tueŋ Bɛ̈nydït (Yekoba) door?

1. Amɛtmɛɛt kuɔ anɔŋiic jam ye lueel ë kɔc nïïm, ku kä yeke nyuɔɔth ku jɔl ya bideoth. Amɛtmɛɛt ëbën aye ke jɔk cöök ë dit ku thiök ke cöök ë lɔ̈ŋ

2. Dhaman däŋ amatic, kɔc wën rɛ̈ɛ̈r thïn aye ke cɔɔl bïk jam

3.   Kuat ë raan ëbën aye loor​—kɔc ke baai, kɔc kën thiëëk, kɔc cï dït, ku jɔl ya mïth

4. Acïn këye tääu piny amɛtmɛɛt kuɔ yiic. Ciëëtke Yekoba aa cie kɔc kut cin ë wëu awu aa cie thään ë caath akutnɔmic

5. Awïc riɛl puɔ̈u ba ya lɔ amɛtmɛɛtiic

• Ye wɛ̈tŋö bïï Ɣok ya lɔ amɛtmɛɛtiic ë thaa thok ëbën?

 JAM CIEKIC

Lɔ ye yïn lɔ amɛtmɛɛtiic abï yïn kuɔny ba käjuëc ŋic ë biäk Yekoba, abï mäthduön cɔl aril apɛi, ku ye door wek kɔc kɔ̈k.

Bëër Yic

• Ye wɛ̈tŋö ye Yekoba Ɣok dɛɛt piɔ̈ɔ̈th buk ya mat ë tök?

• Yeŋö ba piɔ̈ɔ̈c amɛtmɛɛt ciëëtke Yekoba yiic?

• Ye këpiɛɛth däŋ no ye takic ke lëu bïï lɔ amɛtmɛɛtiic yïn kuɔny?