Bääny de Nhialic akuum ë mannë. Ku dhaman ciekic abï käŋ waar ë pinynɔm ëbën. Tïŋku käpiɛɛth bï bɛ̈n tueŋ bïï Bääny de Nhialic ke looi.

1. Ye këdï bïï Bääny de Nhialic dɔ̈ɔ̈r ku lɔcɔ̈k bɛ̈i ë pinynɔm?

Yecu, ke ye Meliŋ ë Bääny de Nhialic, abï kɔc rɛc ku akumat ke pinynɔm riɔ̈ɔ̈k ë tɔŋ ye cɔɔl Amagedon. (Nyuuth 16:14, 16) Ye dhaman kënë yic, ke wɛ̈t ë cïï Baibol lueel abï rot jä tiɛŋ tëde ëbën: “Kɔc rac abïk dap riäär ëthiäu, abäk keek aa kɔɔr, ku acäkï keek bï yök.” (Diɛt 37:10) Ë kuer ë Bääny de Nhialic, abïï Yecu looi bï dɔ̈ɔ̈r ku ciɛɛŋ piɛth tɔ̈u ë pinynɔm ëbën.​—Kuen Yithaya 11:4.

2. Bï pïïr yïndï ë pinynɔm të le Bääny de Nhialic kuum?

Ë dhaman le Bääny de Nhialic kuum, “Kɔc piɛthpiɔ̈ɔ̈th abïk piny lɔ̈ɔ̈k lak, ku abïk rëër thïn aɣet athɛɛr.” (Diɛt 37:29) Thɔ̈ɔ̈ŋë yic ba pïïr piny piɛɛth raan ëbën thïn ku nhiaarkë Yekoba ku aa nhiaar röt ë kɛmken! Acïn raan bï bɛn ya tuany, raan ëbën abï pïïr ë pïïr akölriëëc ëbën.

3. Yeŋö bïï Bääny de Nhialic thöl ë luɔi të cïï kɔc rɛc riɔ̈ɔ̈k?

Të cïï kɔc rɛc riɔ̈ɔ̈k ëbën, Yecu abï kuum ke ye Melik ë ruɔ̈ɔ̈n 1,000. Ye dhaman kënë, Yecu abï kuum ke kɔc ka 144,000 ku abï kɔc kuɔny ëbën pinynɔm bïk rëër keke cïn gup awäc. Të le dhaman kënë thök, ke pinynɔm abï looi bï ya paraditho dhuëëŋ apɛi, thiäŋic ke kɔc mit piɔ̈ɔ̈th ku yekë kuɔɔny yök të theek keek lööŋke Yekoba. Yecu abï Bääny jä dhuɔ̈k cïëën tënë Wun, Yekoba. Ke kënë kën rot kɔn looi wään, “rinku [Yekoba abï ke ya] riëëu.” (Mathayo 6:9, 10) Ku ë tɛ̈ɛ̈n, abï rot jä nyuɔɔth nɔn nadɛ̈ ke Yekoba ee bɛ̈ny piɛɛth ë nyin ŋiec tïït ë kɔc mɛc keek. Yekoba abï Cetän, ku jakke, ku kɔc cï ye lɔc bïk gät tënë Yen jä riɔ̈ɔ̈k ëbën. (Nyuuth 20:7-10) Ciɛɛŋ piɛɛth cïnic kërac bïï Bääny de Nhialic bɛ̈i abï rëër aɣet cä thɛɛr.

 YÄP DÏT

4. Bääny de Nhialic aba kumat ke mɛnh ë raan ëbën riɔ̈ɔ̈k

“Raan ril [ee] kathiek tääu në kɔc yiëth, jieeth ke piɔ̈ɔ̈th.” (Wɛ̈ɛ̈t cï Määtic 8:9) Ë kuer ë Bäänyde, Yekoba abï yaaŋ ë röt kënë cɔ̈k piny.

Kuen Danyel 2:44 ku 2 Thethalonikei 1:6-8, ku jälkë thiëc kä jäämiic:

• Yeŋö bïï Yekoba ke Wënde, Yecu, luöi akumat ke mɛnh ë raan ku kɔc cï mat ke keek?

• Ye këdï ye kë ca piɔ̈ɔ̈c ë biäkde Yekoba ku Yecu yïn dɛɛt puɔ̈u nɔn nadɛ̈ kekë bïk looi abï ya kë lacɔ̈k ku ye yic?

5. Yecu ee yen Meliŋ piɛth

Ke ye Meliŋ ë Bääny de Nhialic, Yecu abï käpiɛɛth juëc arëët looi tënë kɔcken mɛc keek ë pinynɔm. Puɔl ë BIDEO ku tïŋ të cïï Yecu ye nyuɔɔth thïn nɔn nadɛ̈ awïc ë ye puɔ̈u ku anɔŋ riɛl cïï Nhialic yiëk en bɛn kɔc ya kuɔny.

Wään tɔ̈u yen ë pinynɔm, Yecu acï kë bïï Bääny looi nyuɔɔth. Ye athiɛɛi kou ë kä cï keek gɔ̈t ë tënë nhiaar ba keek tïŋ? Kuen cök cath ka athiɛɛi kä.

6. Bääny de Nhialic abï pïïr dik apɛi bɛ̈i

 JAM CIEKIC

Bääny de Nhialic abï londe thöl. Abï pinynɔm ëbën wel bïï ya paraditho thiäŋic ke kɔc piɛth ku aabï Yekoba ya door athɛɛr.

Bëër Yic

• Ye këdï bïï Bääny de Nhialic rinke Nhialic looi bïk lajik?

• Ye wɛ̈tŋö lëu bïï ɣook ye gam nɔn nadɛ̈ ke Bääny de Nhialic abï kä cïï Baibol ke thɔn ëbën thöl ë luɔi?

• Ye kë töŋ no bïï Bääny de Nhialic looi nhiaar ku ba tïŋ?