Cït man cïï ɣook ye jäämic ë piööc cï lɔ yic, aa cie duɔ̈ɔ̈r kedhie keek Nhialic miɛɛt puɔ̈u. Ka yen, ɣok lëu buk aciëŋda ya door ë kueer bï yen ya miɛɛt puɔ̈u. Ye “riëëu de Nhialic [awu ye duɔ̈ɔ̈r]” no lëu bï Nhialic miɛɛt puɔ̈u? (Jakop 1:27) Tïŋ këye Baibol piɔ̈ɔ̈c.

1. Ye këno bïï ɣok duɔ̈ɔ̈rda ya kan ye kɔ̈u?

Duɔ̈ɔ̈rda alëu bï ya kan ë yiith tɔ̈u ë Baibolic. Aa cïï Yecu lɛ̈k Nhialic: “Jamdu yen aye yic.” (Jɔn 17:17) Duɔ̈ɔ̈r kɔ̈k aa jaai ë yiith tɔ̈u ë wɛ̈t de Nhialic yic, Baibol. Ayekë waar ë piööc ë mɛnh ë raan ku ceŋ thɛɛr. Ku Yekoba acie puɔ̈u ë miɛt ke “kɔc cie lööŋke ë theek.” (Kuen Mak 7:9) Ku cukku thöŋ ke kɔckä, ɣok aa Nhialic yum puɔ̈u të ye ɣook Baibol gam ku tɛ̈ɛ̈uku wëëtde ë pïïrda yic.

2. Ye këdï lëu bïï ɣook Yekoba ya door?

Ke ye aciëŋda, Yekoba anɔŋ yic buk ya door yetök. (Nyuuth 4:11) Kënë ee ye nyuɔɔth adhilku ya nhiaar ku yeku door yetök, ke cïn yath ku thura.​—Kuen Yithaya 42:8.

Duɔ̈ɔ̈rda adhil “ya kë ɣeric ku ye Nhialic miɛɛt piɔ̈u.” (Romai 12:1) Ku kënë ee ye nyuɔɔth akɔɔrku buk ya ceŋ ë lööŋke. Cït man, kɔc nhiaar Yekoba anhiaarkë bïk lööŋke ya biɔɔth cök ë biäkde thiëëk. Ku aa jaai kä wën ë guöp rac, cït man mäth ë tap awu aacie wal kec ë kuɔ̈c luöi awu määu. a

3. Ye wɛ̈tŋö bïï ɣok Yekoba ya door ke kɔc kɔ̈k cï gam?

Amɛtmɛɛt kuɔn yeku keek looi ë yithbuɔ ciɛlic aa ɣook gäm dhaman bïï ɣok “Bɛ̈nydït [Yekoba] lɛc nɔm ë piɔ̈nda ëbɛ̈n . . . në akutnɔm ë kɔc lɔ piɔ̈ɔ̈th wai [ɣer piɔ̈ɔ̈th] nïïm.” (Diɛt 111:1, 2) Kuer ye ɣook kënë looi ee wɛ̈t ye ɣok Nhialic piɔɔny ë diɛtke duɔ̈ɔ̈r. (Kuen Diɛt 104:33.) Yekoba ee ɣo thiëëc buk ya lɔ amɛtmɛɛtiic wɛ̈tŋö anhiaar ɣook ku aŋic amɛtmɛɛt aabï ɣok kuɔny buk pïïr athɛɛr yök ke ɣo mit piɔ̈ɔ̈th. Rɔ̈m ye ɣo rɔ̈m ëbën buk ɣopiɔ̈ɔ̈th dɛɛt ee ɣok kuɔny apɛi.

 YÄP DÏT

4. Acukku kɔɔr buk thurat ya luöi ë duɔ̈ɔ̈rda yic

5. Duɔ̈ɔ̈r ye ɣook Yekoba door yetök ee ɣok wɛ̈ɛ̈r bei ë piööc ë lueethiic

 6. Ɣok ë Nhialic door amɛtmɛɛt akutnïïmiic

Ɣok ë Yekoba door ë kuer ye ɣok ye lɛc nɔm ku deetku ɣopiɔ̈ɔ̈th amɛtmɛɛt akutnïïmiic. Kuen Diɛt 22:22, ku jälkë thiëc kä jäämiic:

• Nadɛ̈ cï bëër ë kɔc kɔ̈k yï miɛɛt puɔ̈u amɛtmɛɛtiic?

• Nadɛ̈ ca rot guiir ku ba bëër?

7. Yekoba ee puɔ̈u miɛt të rɔm ɣook käkuɔn cuk ke piɔ̈ɔ̈c ke kɔc kɔ̈k

Anɔŋ kuɛɛr juëc lëu bïï ɣook yiith ke Baibol rɔm ke kɔc kɔ̈k. Kuen Diɛt 9:1 ku 34:1, ku jälkë thiëc kënë jäämic:

• Ye këtöŋ yïndï ca piɔ̈ɔ̈c ë Baibolic nhiaar ba lɛ̈k raan däŋ?

 JAM CIEKIC

Ɣook aciëŋda miɛɛt puɔ̈u të ye ɣok ye door yetök, ku lecku nɔm amatmɛɛt akutnïïmiic, ku rɔmku kë cuk piɔ̈ɔ̈c ke kɔc kɔ̈k.

Bëër Yic

• Ye këdï lëu bïï ɣook piöc buk Nhialic ya door ë kuer wën ye gam?

• Ye wɛ̈tŋö lëu bïï ɣook Yekoba ya door yetök?

• Ye wɛ̈tŋö lëu bïï ɣook ya duur ke kɔc kɔ̈k wën wïc bïk Nhialic ya miɛɛt puɔ̈u?