PIÖÖC 15
Yecu Yeŋa?
Yecu ee raan töŋ kɔc ŋic keek anyikööl mɛnh ë raan yic. Ku na cɔk anɔn ŋic keek rinke, kɔc juëc aacïï Yecu ŋic apiɛth, ku aa nɔŋ tɛ̈ktɛ̈k wääciic ë biäk ë Yecu. Yeŋö ye Baibol lueel ë biäkde?
1. Yecu Yeŋa?
Yecu ee raan ë wëi nɔŋ riɛldit apɛi rɛ̈ɛ̈r paanhial. Ee yen ë kɔn Nhialic Yekoba cak ë këriëëc ëbën nɔm. Ku ë wɛ̈t ee kënë, ee yen ee ye cɔɔl “kɛ̈ɛ̈i kä cï cak ëbɛ̈n.” (Kolothai 1:15) Baibol ee Yecu cɔɔl “wënden cï dhiëëth etök” wɛ̈tŋö Yecu ye tök ee yen ë ciɛk Nhialic ë ciinde. (Jɔn 3:16) Yecu acï luui ke wun etök, Yekoba, bï kuɔny ë cäŋ ë këriëëc ëbën. (Kuen Kɛ̈ŋ 8:30.) Yecu acï bɛ̈n lɔ ke mitpuɔ̈u apɛi ë mänhde yic ke Yekoba. Acï Nhialic luöi ë piɔnde ëbën ke ye rɔ̈lden, ku ye “wɛ̈tde” ku ye wɛ̈ɛ̈tde lɔ lɛ̈k kɔc.—Jɔn 1:14.
2. Ye wɛ̈tŋö ë bïï Yecu ë pinynɔm?
Tɛ̈ cït ruɔ̈ɔ̈n 2,000 wään cï lɔ, Yekoba acï kädïït ke gäi looi bï riɛl ë wëiken dït ɣer luöi bï pïïr ë Yecu waar paanhial ku tɛ̈ɛ̈u ë yäny nyan kën kaŋ tɔ̈c ke röör cɔl Maria. Ku ë kuer kënë ee yen cïï Yecu jä bɛ̈n dhiëëth ke ye raan. (Kuen Luk 1:34, 35.) Yecu acï bën ë pinynɔm ke ye raan wään cï thɔn Mathia, awu Këritho, ku bï mɛnh ë raan bën luäkbei. a Wël ke cïï Baibol ke lueel ëbën ë biäk ë Mathia aacï rɔ̈t bɛ̈n tiɛŋ tënë yen, ku kënë acï kɔc bɛn cɔl aŋic “Këritho, ke ye wën ë Nhialic pïïr.”—Mathayo 16:16.
3. Ye tëno tɔ̈u Yecu thïn ë mannë?
Wään cï pïïr Yecu thök ë pinynɔm ke ye raan, acï bën jot ë thuɔɔu yic ke ye raan ë wëi ku dhuk paannhial. Ku ee tɛ̈ɛ̈n, “yen ajɔ̈të Nhialic en nhial arëët, ago miɔɔc ë rin nu [tɔ̈u] ë rin nïïm kedhië.” (Pilipoi 2:9) Ë mannë, Yecu amuk thönydït apɛi —ke ye raan lɔ ë Yekoba cöök.
YÄP DÏT
Ŋic käjuëc ë biäk ë Yecu ye raan yïndï ku wɛ̈t thiek en yic ba piöc ë biäkde.
4. Yecu acie Nhialic Awärjäŋ
Aye Baibol piɔ̈ɔ̈c cɔk anɔn ye Yecu raan ë wëi nɔŋ riɛldït apɛi tɔ̈u paanhial, ke yen atɔ̈u ë Nhialic cöök ku ye wun, Yekoba. Ye wɛtŋö lëu bïï ɣok ë kënë lueel? Puɔl ë BIDEO ku tïŋ këye Baibol piɔ̈ɔ̈c ë biäk ë thöny ë Yecu ke thöny ë wun Nhialic Awarjäŋ.
Cök kä aa ɣok kuɔny buk kaam ë Yecu ke Yekoba deetic apiɛth. Kuen ë cök kä ëbën ku jäämkë thiëc bɔ̈ yiic.
Kuen Luk 1:30-32.
-
Ye këdï cïï maläika mänh ë Yecu ke Nhialic Yekoba, raan “tɔ̈u këriëëc ëbën nɔm” luɛɛl thïn?
Kuen Mathayo 3:16, 17.
-
Wään luui Yecu baptith, yeŋö ë cïï rɔ̈l ë bɔ̈ paannhial lueel?
-
Nadɛ̈ ye takic keye rɔ̈l ë ŋa ë kënë?
Kuen Jɔn 14:28.
-
Yeŋa yen dït ku nɔŋ riɛldit? Ye wun awu ye wënde?
-
Yeŋö ë wïc bï Yecu lueel wään ee yen Yekoba cɔɔl wun?
Kuen Jɔn 12:49.
-
Nadɛ̈ ye Yecu takic nɔn yen ke wun aa thöŋ? Ye takic këdï?
5. Yecu acï rɔ̈t nyuɔɔth keye Mathia
Baibol anɔŋic wël juëc cï ke lueel bïk röt tiɛŋ lëu bïk kɔc juëc kuɔny bïk Mathia ŋic—keye raan töŋ cï tooc bï mɛnh ë raan bën luäkbei. Puɔl ë BIDEO ë jam ë wël ciekiic cï ke lueel bïk rɔ̈t tiɛŋ ë biäk ë Yecu wään cïï yen bën ë pinynɔm.
Kuen wël cïï Baibol ke lueel bïk rɔ̈t tiɛŋ, ku jälkë thiëc bɔ̈ jäämiic:
Kuen Maika 5:2 ku ba piɔ̈ɔ̈c të cïï Mathia bën dhiëëth thïn. b
-
Nadɛ̈ cï dhiënh ë Yecu wɛ̈t kënë bën tiɛŋ tëde?—Mathayo 2:1.
Kuen Diɛt 34:20 ku Dhekaria 12:10 ku ba ke tïŋ käk ke cï ke lueel ë biäk thon ë Mathia.
-
Nadɛ̈ cï wël kä rɔ̈t bën tiɛŋ tëden?—Jɔn 19:33-37.
-
Nadɛ̈ ye takic ke ye Yecu yen cï ë wël kä bën cɔl atiiŋ rɔ̈t tëden?
-
Yeŋö ye kënë lɛ̈k yïn ë biäk ë Yecu?
6. Ɣok aa kuɔɔny yök tɛ̈ piöc ɣok ë biäk ë Yecu
Aye Baibol nyuɔɔth nɔn thiek yen yic buk piöc ë biäk ë Yecu ku luɔide. Kuen Jɔn 14:6 ku 17:3, ku jälkë thiëc kënë jäämic:
-
Ye wɛ̈tŋö thiek yen yic ba piöc ë biäk ë Yecu?
Yecu acï kuer liep thok ba ya mäth ë Nhialic. Acï yic piööc ë biäk ë Yekoba, ku dhɔ̈lde ee yen lëu bïï ɣok pïïr athɛɛr yök
AYE KƆC KƆ̈K LUEEL: “Ciëëtke Yekoba aacie Yecu ë gam.”
-
Lëu ba dhuknɔm këdï?
JAM CIEKIC
Yecu ee raan ë wëi nɔŋ riɛldït. Yen ee wën ë Nhialic ku ye Mathia.
Bëër Yic
-
Ye wɛ̈tŋö ye Yecu cɔɔl “kaai kä cï keek cak ëbën”?
-
Wään këc yen guɔ bën ë pinynɔm, yeŋö ë cïï Yecu looi?
-
Ye ku ŋic këdï nɔn nadɛ̈ ke Yecu ee Mathia?
YƆ̈P WËL JUËC KƆ̈K
Piɔ̈ɔ̈cë käjuëc ë biäk ë Yecu keye Mathia.
“Nadɛ̈ ye Wël cï ke Lueel bï Rɔ̈t Tiɛŋ ye Nyuɔɔth Nɔn ye Yecu Mathia?” (Awereŋ tɔ̈u ë Netic)
Yök nɔn ye Baibol ye piɔ̈ɔ̈c nɔn nadɛ̈ ke Nhialic acï Yecu dhiëëth cït man ye raan manhde dhiëëth.
“Ye Wɛ̈tŋö ye Yecu Cɔɔl Wën ë Nhialic?” (Awereŋ tɔ̈u ë Netic)
Tïŋ ye wɛ̈tŋö ye piööc ë jam Nhialic ee yic diäk cïï yen ë piööc ë Baibol.
“Nadɛ̈ ye Yecu Nhialic?” (The Watchtower, Pɛɛi ë Ŋuan 1, 2009)
Kuen të cïï pïïr ë tiiŋ tök rot waar thïn wään cïï yen këye Baibol lueel ë biäk ë Yecu ŋic.
“Tiiŋ Töŋ ë Paan ë Judai ee cï Laaric Wɛ̈t ë bɛ Yen Gämde Bɛn Caaric” (Awake!, May 2013)
b Tïŋ Kë cï gɔ̈t ë thökde 2 ë wɛ̈t cï lueel ye nɛn bïï Yecu bɛ̈n ë pinynɔm.
