PIÖÖC 16
Yeŋö ë Cïï Yecu Looi Wään Tɔ̈u Yen ë Pinynɔm?
Aye kɔc juëc tak nɔn ye Yecu mɛnh thiin koor cïn kë lëu ë luɔi, raan ë käk Nhialic tïŋ, awu raan thou. Ku lëu buk käjuëc ŋic ë biäkde wään tɔ̈u yen ë pinynɔm? Ee piööc kënë yic, ɣok aabï käŋ tïŋ kä thiekiic cïï Yecu ke looi wään tɔ̈u yen ë pinynɔm ku të lëu bïï keek pïïrdu waaric thïn.
1. Yeŋö ye lon tueŋ ë Yecu?
Lon tueŋ ë Yecu ee ye “guëër wëlpiɛth ke Ciɛɛŋ de Nhialic.” (Kuen Luk 4:43.) Ee ye kɔc piɔ̈ɔ̈c ë wël piɛth nɔn nadɛ̈ ke Nhialic abï bäänyde looi, awu akuma, bï kä jɔ̈ɔ̈r mɛnh ë raan ëbën ë pinynɔm cɔ̈k piny. a Yecu acï wël piɛɛth kä rɔm ë ruun kadiäk ku abäk ke cïï lɔ̈ŋ.—Mathayo 9:35.
2. Ye wɛ̈tŋö ë ye Yecu kädïït ke gäi looi?
Baibol ee jam ë “luɔi dït ku kake gäi ku göök cï Nhialic ke looi në” [Yecu].” (Luɔi de Tuuc 2:22) Në riɛl ë Nhialic, Yecu acï lëu bï yomdït cɔl akääc, ku ciëm akutdïït ë kɔc, ku cɔl kɔc cï tuany cɔk adem, ku jot kɔc cï thou ë thuɔɔu yic. (Mathayo 8:23-27; 14:15-21; Mak 6:56; Luk 7:11-17) Kädïït ke gäi cïï Yecu ke looi aaye nyuɔɔth nɔn ë bïï yen tënë Nhialic. Ku keek aya aaye nyuɔɔth nɔn nadɛ̈ ke Yekoba anɔŋ riɛl bï kuat këriëëc ëbën dhal ɣok cɔ̈k piny.
3. Yeŋö lëuku buk piɔ̈ɔ̈c ë ciɛɛŋ ë Yecu yic?
Yecu acï Yekoba theek ë këriëëc ëbën yic. (Kuen Jɔn 8:29) Na cɔk anɔn ë jiɛi kɔc ë yen, Yecu acï kë wïc Wun looi ëbën ke muk gäämde yic agut bï thou. Acï nyuɔɔth nɔn cïï yen yic ril bï kɔc Nhialic luöi ë piɔ̈nden ëbën, cɔk anɔn tɔ̈u keek ë käriliic. Ka yen, Yecu acï “[we] nyäŋ ke bäk dɔmic, ke [we] bï täude aa kuanyic.”—1 Petero 2:21.
YÄP DÏT
Tïŋ të cïï Yecu wël piɛth rɔm ku looi kädïït ke gäi.
4. Yecu acï wël piɛth rɔm
Yecu acï cath ë dhaman bäär ë kuerdït thiäŋic ke tɔr, ke rɔm wël piɛth ke kɔc juëc ye ke yök. Kuen Luk 8:1, ku jälkë thiëc kä jäämiic:
-
Nadɛ̈ Yecu ë ye lɔ piööc tënë kɔc cï ke nïïm mat bïk piiŋ tënë yen kapäc?
-
Yeŋö ë cïï Yecu looi bï kɔc yök?
Ee cïï Nhialic lueel nɔn nadɛ̈ ke Mathia abï wël piɛth rɔm ke kɔc. Kuen Yithaya 61:1, 2, ku jälkë thiëc kä jäämiic:
-
Ye këdï cïï Yecu wɛ̈t ë cï lueel kënë tiɛŋ tëde?
-
Nadɛ̈ ke ye takic ke wïc kɔc bïk wël piɛɛth kä piiŋ yeköölë?
5. Yecu acï yiith thiekiic apɛi piɔ̈ɔ̈c
Ku däŋ cï mat ë lëk ë wël piɛɛth ë Bääny de Nhialic yic, Yecu aya ee ye kɔc piɔ̈ɔ̈c ë ciɛɛŋ piɛth. Tïŋ käthii lik ë wëëtden dïït wään cï gaam ë kur nɔm. Kuen Mathayo 6:14, 34; 7:12, ku jälkë thiëc kä jäämiic:
-
Ye wëët ë ciɛɛŋ piɛɛth no cïï Yecu gaam ë cök kä yiic?
-
Nadɛ̈ ye takic wëët kënë alëu bï ŋoot ke kony kɔc yeköölë?
6. Yecu acï kädïït ke gäi looi
Yekoba acï Yecu yiëk riel bïï yen kädïït ke gäi looi. Ku ba töŋ ye nyuɔɔth tïŋ, kuen Mak 5: 25-34 awu puɔl ë BIDEO. Ku jälkë thiëc bɔ̈ jäämiic.
-
Ë bideo yic, yeŋö ë cïï tiiŋ ë cï tuaany gam apɛi?
-
Yeŋö yï yum puɔ̈u ë biäk ë këdïït ë gäi kënë?
Kuen Jɔn 5: 36, ku jälkë thiëc kënë jäämic:
-
Ye “cäät ŋö” cïï kädïït ke gäi ë ke cïï Yecu ke looi gaam, awu yeŋö ye nyuɔɔth ë biäkde?
Nadɛ̈ ŋic?
Käjuëc ë kä ŋicku keek ë biäk ë Yecu aa ke bɔ̈ tënë athöör ë Baibol kaŋuan ye ke cɔɔl Gothpol—Mathayo, Mak, Luk ku Jɔn. Kɔc ë ke gɛ̈t Gothpol kä kaŋuan aacï kä wääc gɔ̈t ë biäk ë Yecu. Kä cïk ke gɔ̈t kä kaŋuan aa jam ë pïïr diik ë Yecu ëbën.
-
MATHAYO
Ee yen kɔn Gothpolde gɔ̈t tueŋ. Yen ee jam ë piööc, ë Yecu ë biäk ë Bääny de Nhialic.
-
MAK
Ee yen ca athör koor apɛi gɔ̈t. Acï käŋ gɔ̈t këke cï ke kɔ̈ɔ̈th mac ku anɔŋiic londït apɛi.
-
LUK
Ee cï yenɔm tääu ë lɔ̈ŋ de Yecu yic ku tɛ̈ ye yen diäär ciëëŋ thïn.
-
JƆN
Acï käjuëc nyuɔɔth ë biäk ë kïïtke Yecu ku jamde ke mäthke ku kɔc kɔ̈k.
AYE KƆC KƆ̈K LUEEL: “Yecu ee ye raan piɛth abac, ku acïn däŋ.”
-
Ye takic këdï?
JAM CIEKIC
Yecu acï lëk ë biäk ë Bääny de Nhialic, ku looi kädïït ke gäi, ku theek Yekoba ë këriëëc ëbën yic.
Bëër Yic
-
Yeŋö ye lon tueŋ ë Yecu wään tɔ̈u yen ë pinynɔm?
-
Yeŋö ye kädïït ke gäi ë ke cïï Yecu ke looi nyuɔɔth?
-
Ye wëëtke pïïr piɛɛth kou cïï Yecu ke piɔ̈ɔ̈c?
YƆ̈P WËL JUËC KƆ̈K
Ye këno ë ye Yecu jam apɛi ë biäkde?
“Bääny de Nhialic—Kën ë Yen Wɛ̈tde Yic Tënë Yecu” (The Watchtower, Pɛɛi ë Thiëër 1, 2014)
Tïŋ ye wɛ̈tŋö lëu bïï ɣok ye gam nɔn nadɛ̈ ke Yecu ee cï kädïït ke gäi looi.
“Kädïït ke Gäi Cïï Yecu ke Looi—Yeŋö Lëu ba Piɔ̈ɔ̈c Thïn?” (The Watchtower, Pɛɛi ë Dhorou 15, 2004)
Kuen të cïï gɛ̈m cïï Yecu rɔt gaam pïïr ë mony tök geeric.
“Ɣɛn ë ye Ɣanɔm Tääu Pïïrdiɛ̈ Yic Ɣatök” (The Watchtower, Pɛɛi ë Thiëër 1, 2014)
Tïŋ kä cïï Yecu ke looi ë lëk de yic ke cï ke mac kɔ̈ɔ̈th ë jɔ̈ɔ̈k cöökden yic.
a Piööc 31-33 aabï Bääny de Nhialic jäämic ëbën.