PIÖÖC 17

Yecu ye Raan Yïndï?

PLAY

Yecu ye Raan Yïndï?

Të piööc ɣook ë biäk käk ke cïï Yecu ke lueel ku looi keek wään tɔ̈u yen ë pinynɔm, ke ɣok yök kïït piɛɛth wën ë ɣok thiääk ke yen ku Wun, Yekoba. Ye kïït dhuëëŋ kou yeku keek lueel kä? Ku ye këdï lëu bïï ɣok Yecu kiɛ̈ɛ̈t ë pïïrda yic?

1. Ye kuɛɛr kou ye Yecu thöŋ ke Wun?

Wään tɔ̈u yen paannhial, Yecu aa ye daai tënë Wun ku piöc tënë yen ë run juëc apɛi. Ku wɛ̈t ye kënë, yen ka ye yen tak, ku nɔŋ nhiëër, ku ye luui cït man ë Wun. (Kuen Jɔn 5:19) Ë yic pacɔ̈k, Yecu acï kïtke Wun nyuɔɔth ë kuer dik apɛi ku ee yen cïï yen ye bɛ̈n lueel: “Raan cï a tïŋ, ka cï Wääda tïŋ aya.” (Jɔn 14:9) Të piööc yïn ë kït dhuëëŋ ke Yecu, ke yïn bï Yekoba ŋic apiɛth. Cït man, nyin kuany ë Yecu tënë kɔc ee yen nyuɔɔth të piɛɛth ye Yekoba diɛɛr ë yïn thïn.

2. Ye këdï cïï Yecu ye nyuɔɔth nɔn nhiɛɛr en Yekoba?

Acï Yecu lueel: “Ku luɔi bï kɔc ke piny nɔm e ŋic nɔn nhiaar ɛn wäär, ku acït man cï Wäär a thɔn, en aluɔɔi.” (Jɔn 14:31) Wään tɔ̈u yen ë pinynɔm, Yecu aci nhiëërdït apɛi nyuɔɔth tënë Wun ë kuer ye yen ye theek cɔk anɔn cïï yen yic piɔl tënë yen. Yecu aya aa ye nhiaar bï jam ë biäk ë Wun ku kony kɔc kɔ̈k bïk määth looi ke yen.—Jɔn 14:23.

3. Ye këdï cïï Yecu ye nyuɔɔth nɔn nhiɛɛr en kɔc?

Aye Baibol lueel Yecu aa “mit piɔ̈u kë mɛnh ë raan.” (Kɛ̈ŋ 8:31) Acï nhiëërdït kënë nyuɔɔth ë kuer ye yen kɔc dɛɛt piɔ̈ɔ̈th ku gɛm rot bï keek ya kony. Acï kädït ke gäi looi ë käcde piɔ̈nde ku riɛlde nyuɔɔth. (Mak 1:40-42) Yecu ee kɔc ŋiec tïŋ apiɛth ku acie kɔc ë tek thook. Wëlke acï ŋäth ku duöt ë puɔ̈u gaam tënë raan ëbën piɛth puɔ̈u ë ye piiŋ thok. Yecu aa nhiɛɛr bï rot gaam ku thou ë wɛ̈t nhiëërde tënë mɛnh ë raan ëbën. Ku yic adil anhiaar kɔc ë piööcde biɔɔthic.—Kuen Jɔn 15:13, 14.

YÄP DÏT

Piɔ̈ɔ̈cë käjuëc ë biäk ë kïtke Yecu. Ku tïŋ të bïï yïn nhiëër ku miɔ̈cdït ya nyuɔɔth cït man cïï yen ye looi.

4. Yecu anhiaar Wun

Kë cïï Yecu looi ee ɣok piɔ̈ɔ̈c të bïï ɣok nhiëërda ya nyuöth Nhialic thïn. Kuen Luk 6:12 ku Jɔn 15:10; 17:26. Të cïï week cök kä kueen, ke we jälkë thiëc kënë jäämic:

Ku buk Yecu ya kiɛ̈ɛ̈t, ye këdï lëu bïï ɣok ye nyuɔɔth nɔn nhiɛɛr ɣok Yekoba?

Yecu anhiar Wun tɔ̈u nhial ku ee dac jam ke yen ë lɔ̈ŋic

5. Yecu aa yekë wïc kɔc ŋic

Yecu aa ye kä wïc kɔc kɔ̈k keek tääu tueŋ ë këden kɔɔr nɔm. Agut cï wään cïï yen cɔk dak, aa ye dhaman ku riɛlde luöi bïï yen kɔc kony. Kuen Mak 6:30-44, ku jälkë thiëc kä jäämiic:

Në ye kën ë cï rɔt looi kënë yic, ye kuɛɛr kɔ̈k kou keek cïï Yecu ke diɛɛr nyuöth kɔc kɔ̈k?—Tïŋ cökthii 31, 34, 41, ku 42.
Yeŋö ye Yecu cɔl akony kɔc kɔ̈k?—Tïŋ cöökthiin 34.
Wɛ̈t ye Yecu kïtke Yekoba nyuɔɔth, yeŋö ye kënë piɔ̈ɔ̈c yïn ë biäkde Yekoba?
Ye kuɛɛr kou bïï ɣok ke Yecu kiɛ̈ɛ̈t buk nhiëër nyuöth kɔc kɔ̈k?

6. Yecu ee kɔc miɔɔc

Yecu ee ye kɔc miɔɔc cɔk anɔn ë cïn yen nɔm käjuëc, ku ee ɣok dɛɛt piɔ̈ɔ̈th buk kɔc kɔ̈k ya miɔɔc. Kuen Luɔi de Tuuc 20:35, ku jälkë thiëc kënë jäämic:

Cït man cïï Yecu ye lueel, ye këdï bïï ɣok piɔ̈ɔ̈th ya miɛt?

Puɔl ë BIDEO, ku jälkë thiëc bɔ̈ jäämic.

BIDEO: “Anɔŋ Miɛt ë Piɔ̈ndït Tɔ̈u ë Miɔ̈cic”—Baŋ Bideo (4:00)

Ye kuɛɛr kɔ̈k kou lëu bïï ɣok ke ya miɔ̈ɔ̈c, cɔk anɔn cïn ɣok nïïm käjuëc tɔ̈u ke ɣook?

Nadɛ̈ ŋic?

Baibol ee ɣok piɔ̈ɔ̈c buk ya lɔ̈ŋ tënë Yekoba ë rinke Yecu. (Kuen Jɔn 16:23, 24.) Tɛ̈ ye ɣok lɔ̈ŋ ee kuer kënë, ka yeku nyuɔɔth nɔn ŋic ɣook kë cïï Yecu looi buk määth kek Yekoba.

AYE KƆC KƆ̈K LUEEL: “Nhialic acie nyin ë tïït ë biäk ë mɛɛmda.”