Kɔc juëc apɛi aa röt cɔɔl kërithanoi. Ku keek kedhie, aacïn gääm thöŋ awu ciɛɛŋ thöŋ. Ke ye këdï lëu bïï ɣook kërithanoi yic ŋiɛc thïn?

1. Kërithano yeŋa?

Kërithanoi aa dutuuc, awu kɔc, ë Yecu Këritho biɔɔth cöök. (Kuen Luɔi de Tuuc 11:26.) Ye këdï lëu bïï keek ye nyuɔɔth nɔn ye keek dutuucke Yecu? Aa cïï Yecu lueel: “Të täu wek ë jamdï yic, ka wek ee kɔckiën ë piööcë në yic.” (Jɔn 8:31) Kënë ee ye nyuɔɔth kërithanoi yic adhil piööc ë Yecu ya theekic. Ku cït man cïï Yecu cök ke Baibol luöi ë piööcde yic, kërithanoi yic adhil gäämden tääu ë Baibolic.​—Kuen Luk 24:27.

2. Ye këdï ye Kërithanoi yic nhiëër nyuɔɔth?

Aa cïï Yecu lɛ̈k kɔcken ë ye biɔɔth cöök: “Nhiaarkï röt cït man cän week nhiaar.” (Jɔn 15:12) Ye këdï cïï Yecu ye nyuɔɔth nɔn nhiɛɛr en dutuucke? Aa ye dhaman nɔ̈k ke keek, bï ke dɛɛt piɔ̈ɔ̈th, ku kony keek. Ku yen aya acï pïïrde bën gam në rin ken. (1 Jɔn 3:16) Ee yen tëde aya, kërithanoi yic aa käjuëc looi ë wɛ̈t ë nhiëërden. Aye kë nyuɔɔth ë wëlken yekë keek lueeliic ku loi looi yekë keek looi nɔn nhiɛɛr keek röt.

3. Ye lon no ye Kërithanoi yic looi?

Yecu acï dutuucke gäm luɔi. “Go ke tooc lek kɔc aa guiëër ciɛɛŋ de Nhialic [Bääny de Nhialic].” (Luk 9:2) Kërithanoi tueŋ wään aa ke ye kɔc lɛ̈k ë ɣɔ̈n ken ke duɔ̈ɔ̈r yiic, ku ɣɔ̈n kɔ̈k ye kɔc ke nïïm mat thïn ku bɛ̈ɛ̈iken yiic. (Kuen Luɔi de Tuuc 5:42; 17:17) Kërithanoi yic aya ye köölë aa kɔc lɛ̈k yiny ë Baibol ë kuat të rëër keek thïn ëbën. Aa nhiaar kɔc rëër ke keek, ee yen ye keek piɔ̈ɔ̈th miɛt bïk dhamanden ku riɛlden luöi bïk ŋäth ku duöt de puɔ̈u tɔ̈u ë Baibolic rɔm ke kɔc kɔ̈k.​—Mak 12:31.

 YÄP DÏT

4. Aa ke cï yiny ë Baibol yɔ̈ɔ̈p

5. Aa yiny ë Baibol piɔ̈ɔ̈c

 6. Aa kä yekë keek piööc tääu ë pïïrden yic

Yeŋö ë kony mony ye cɔɔl Tom bï ŋic nɔn cïï yen duɔ̈ɔ̈r yic yök? Puɔl ë BIDEO, ku jälkë thiëc bɔ̈ jäämiic.

• Ë bideo yic, yeŋö cɔl Tom amäl ë duɔ̈ɔ̈r ë kɔcke pinynɔm ëbën?

• Ye wɛ̈tŋö cïï yen ye jä bën gam nɔn cïï yen duɔ̈ɔ̈r yic yök?

Luɔi awär jam ë thok. Kuen Mathayo 7:21, ku jälkë thiëc kënë jäämic:

• Yeŋö ye Yecu tïŋ ke thiekic tënë ɣook​—ye gäämdan yeku lueel ɣo thook awu kë yeku nyuɔɔth ë loi looi kuɔ yiic?

7. Aa nhiaar röt ë kɛmken

• Ye këdï ye kɔc ë Yecu kuany cöök (Kërithanoi yic) kɔcke bɛ̈ɛ̈i kɔ̈k ciëëŋ?

• Ye këdï lëu bïï keek ke ciëëŋ ë dhaman ë tɔŋ tɔɔŋ?

 JAM CIEKIC

Kërithanoi yic aa piööc ë Baibol biɔɔthic, ku nyooth kë nhiëër ë kɛmken, ku aa yiny tɔ̈u Baibolic luɛɛl.

Bëër Yic

• Ye Kërithanoi yic gäämden kan ë ŋö kɔ̈u?

• Ye kïn töŋ no ë Kërithanoi yic nyuɔɔth?

• Ye lon no ye kërithanoi yic looi?