PIÖÖC 19

Nadɛ̈ ye Ciëëtke Yekoba Kërithanoi Yic?

PLAY

Ke ɣo ye Ciëëtke Yekoba, ayeku gam nɔn nadɛ̈ ke ɣook aa Kërithanoi yic. Ye wɛ̈tŋö? Tïŋ käk ë gäämda nyuɔɔth, rin ë ɣook tek thook, ku nhiëër tɔ̈u ë kɛmkuɔ.

1. Yeŋö ye Ciëëtke Yekoba gäämden kan ye kɔ̈u?

Aa cïï Yecu lueel: “jamdu [Nhialic] yen aye yic.” (Jɔn 17:17) Cït man ë Yecu, Ciëëtke Yekoba aa gäämden tääu Baibolic. Tïŋ anyikööldan ye köölë. Ruɔ̈ɔ̈n tim tök ku 19 leer tueŋ, akut thiin ë kɔc piööc Baibol acïk jɔɔk bïk Baibol ya kueen. Aa cï gäämden bën ya tääu ë Baibolic cɔk anɔn ë wɛ̈ɛ̈c keek ke kä ye kanithat ke piɔ̈ɔ̈c. Ku ë tɛ̈ɛ̈n, acïk bën jɔɔk bïk yiith cïk ke yök ë Baibolic ya rɔm ke kɔc kɔ̈k. a

2. Ye wɛ̈tŋö ye ɣook röt cɔɔl Ciëëtke Yekoba?

Yekoba ee kɔcken ye door cɔɔl ciëëtke ë wɛ̈tŋö aa jam ë yic ë biäkde. (Ɣeberuu 11:4–12:1) Cït man, dhaman thɛɛr wään, Nhialic aa cï lɛ̈k kɔcke: “week aa Ciëëtkiɛ̈.” (Kuen Yithaya 43:10, NWT) Yecu aye cɔɔl “ee cäätɔ adöt” (cäät nɔŋ gäm) (Nyuuth 1:5) Ka tɛ̈ɛ̈n, ë ruɔ̈ɔ̈n 1931 ɣook cï keek jä bën ya cɔɔl Ciëëtke Yekoba. Ëmanë, anhiaarku apɛi bï ɣook ya cɔɔl ye rinkë.

3. Ye këdï ye Ciëëtke Yekoba nhiëër ë Yecu kiɛ̈ɛ̈t?

Yecu anhiaar dutuucke apɛi ku aa ke ye röt looi cït kɔcke paanden. (Kuen Mak 3:35.) Ee yen tëde aya, Ciëëtke Yekoba anɔŋ mändït apɛi, aa röt looi ke cït kɔcke paan tök ë pinynɔm ëbën. Ku ee yen wɛ̈t ye ɣook röt cɔɔl ë kɛmkuɔ wänmääth ku nyankäi. (Pilemon 1, 2) Ɣook aa löŋ kënë theek aya: “Yakë mïthëkɔckun nhiaar ëbën.” (1 Petero 2:17) Ciëëtke Yekoba aa nhiëër kënë nyuɔɔth ë kuɛɛr juëc, cït man ye ɣook wɛ̈tmäthkuɔ kuɔny ë pinynɔm ëbën ë dhaman wïc keek kuɔɔny.

YÄP DÏT

Tääu yï nyin piny ku tïŋ anyikööl ë Ciëëtke Yekoba ku yiith kɔ̈k ye nyuɔɔth nɔn ye ɣok Kërithanoi yic.

Kërithanoi yic aa gäämden tääu Baibolic ku rɔmkë kä cïk ke piɔ̈ɔ̈c ke kɔc kɔ̈k

4. Ɣook aa gäämda tääu ë Baibolic

Aa cïï Yekoba lueel nɔn bïï yen yiny tɔ̈u Baibolic nyuɔɔth. Kuen Danyel 12:4, NWT ku kë cï gɔ̈t ye cöök piiny, ku jälkë thiëc kënë jäämic:

Yeŋö bï “dït apɛi” tënë kɔcke Nhialic të le keek tueŋ keke piööc Baibol?

Tïŋ të cïï akut thiin ë kɔc piööc Baibol, nɔŋic Charles Russell, wɛ̈t de Nhialic piɔ̈ɔ̈c thïn. Puɔl ë BIDEO, ku jälkë thiëc bɔ̈ jäämiic.

BIDEO: Të Cïï Yiny Baibol jä Bën Yɔ̈k Thïn (7:45)

Ë bideo yic, ye këdï cïï Charles Russell ke mäthke Baibol jä bën piɔ̈ɔ̈c thïn?

Nadɛ̈ ŋic?

Ë run juëc yiic, ɣook cï kɔ̈k kuɔn ke yeku keek gam cɔ̈kpiny. Ye wɛ̈tŋö? Cït man ye akɔ̈l nyin bën amääth ke mer piny, Nhialic acï wɛ̈tde cɔl aŋic amääth. (Kɛ̈ŋ 4:18) Cɔk anɔn kën ë Baibol rot waar, ɣok cï gäämda cɔ̈kpiny ke ɣo lɔ tueŋ ke ŋïnydan ë Baibol juak ye yic.

5. Ɣok aa ceŋ cït man ë rinkuɔ

Ye wɛ̈tŋö ë lööm ɣook rin ye ke ɣok cɔɔl Ciëëtke Yekoba yeköölë? Puɔl ë BIDEO, ku jälkë thiëc bɔ̈ jäämic.

BIDEO: Rin ye ke Ɣook Cɔɔl (2:40)

Ye wɛ̈tŋö ye rin ye ke ɣok cɔɔl Ciëëtke Yekoba piath?

Ye wɛ̈tŋö ë kuɛny ë Yekoba kɔc bïk ya Ciëëtke? Ee wɛ̈t bïï keek yen ya nyuɔɔth nɔn ye yen Nhialic yic, wɛ̈tŋö lueeth juëc acï keek lueel ë biäk ë rinke. Tïŋ lueeth karou ë käke yiic.

Kɔc juëc ë duur ë pinynɔm aye ke piɔ̈ɔ̈c nɔn wïc Nhialic keek bïk thurat ya luöi ë duɔ̈ɔ̈rden yic. Ku ba ŋic, kuen Lebai 26:1, ku jälkë thiëc kä jäämiic:

Yic yeŋö? Ye Yekoba duɔ̈ɔ̈r ë yiëth yök këdï ye puɔ̈u?

Bäny ë kanithat juëc aa kɔc piɔ̈ɔ̈c nɔn ye Yecu Nhialic. Ku ba ŋic, kuen Jɔn 20:17, ku jälkë thiëc kä jäämiic:

Yic yeŋö? Nadɛ̈ ye Nhialic ku Yecu raan tök?
Ye yök këdï yïpuɔ̈u të ŋic yïn yen nɔn cïï Yekoba Ciëëtke tuɔɔc ë pinynɔm bïk kɔc lɔ piɔ̈ɔ̈c ë yic ë biäkde ku Wënde?

6. Ɣook nhiaar röt ë kɛmkuɔ

Baibol ee Kërithanoi thööŋ ke guöp ë raan. Kuen 1 Korinthoi 12:25, 26, ku jälkë thiëc kä jäämiic:

Yeŋö ye Kërithanoi yic looi të mɛɛm Kërithanoi kɔ̈k ë pinynɔm?
Yeŋö ca tïŋ ë biäk ë nhiëërdïït tɔ̈u ë kɛm ë Ciëëtke Yekoba?

Të mɛm Ciëëtke Yekoba ë piny baŋ tök, ke wɛ̈tmääthken aa dac bën bïk keek bën kuɔny. Ku ba töŋ ye nyuɔɔth tïŋ, puɔl ë BIDEO. Ku jälkë thiëc bɔ̈ jäämic.